बैंकहरुको व्याजदर स्थिर राख्दा शेयर धितो कर्जामा भएन परिवर्तन, हेर्नुहोस कुन बैंकको व्याजदर कति ?

काठमाडौ । आजदेखि लागु हुने गरि अधिकाम्स बैंकहरुले फागुन महिनाका लागि व्याजदर स्थिर राखेका छन् । ग्लोबल आइएमई बैंकले मुद्दती निक्षेपमा ०.२५ प्रतिशतले व्याजदर बढाएको छ भने सिटिजन र लक्ष्मी सनराइजले भने मुद्दती निक्षेपमा थोरै घटाएका छन् । यस बाहेक सबैको व्याजदर स्थिर छ ।

सिटिजनले मुद्दती निक्षेप तर्फ व्यक्तिगतको व्याजदर ०.४० प्रतिशत घटाएको छ । त्यस्तै लक्ष्मी सनराइज बैंकले संस्थागत समुह तर्फको मुद्दती निक्षेपमा ०.२५ प्रतिशत घटाएको छ । नेपाल राष्ट्र बैंकको नीतिका कारण कुनै पनि बैकहरुले सर्वसाधारण लगानीकर्ताको साधारण निक्षेपको व्याजदर ५ प्रतिशत भन्दा तल झारेका छैनन् । यद्यपी संस्थागत लगानीकर्ताको मुद्दती निक्षेपको व्याजदर ३.२५ प्रतिशतसम्म तल झारेको छ ।

बैंकहरुले व्याजदर लगातार तल झार्दै गर्दा शेयर धितोकर्जाको व्याजदर पनि तल झरिरहेको छ । निक्षेपको व्याजदर घट्ने वित्तीकै आधार व्याजदर पनि तल झर्ने भएकाले ऋणीहरुले यो समयमा निकै राहात महशुस गरिरहेका छन् । यो समय बैंकमा पैसा राखेर आम्दानी गर्नेको व्यालेन्ससिट बिक्रिएको छ भने बैंकबाट कर्जा लिएर आयोजना निर्माण गर्नेहरुको व्यालेन्ससिट सुधारिएको छ ।

यो अवधिमा शेयर बजारमा कारोबार गर्ने लगानीकर्ताका लागि पनि उर्वर समय रहेको छ । यसले गर्दा पछिल्ला महिनामा शेयरधितो कर्जा बढिरहेको छ ।

कुन बैंकले कतिमा दिदैछन् शेयरधितो कर्जा

अहिले नेपाल बैंकले सबैभन्दा कम व्याजदरमा शेयर धितोकर्जा प्रवाह गर्दै आइरहेको छ । नेपाल बैंकले ६.२१ प्रतिशत व्याजदरमै शेयरधितो कर्जा प्रवाह गर्दै आइरहेको छ । यसले गर्दा नेपाल बैंकको कर्जा प्रवाह पनि सबैभन्दा धेरै छ ।

कुनै समयमा शेयरधितो कर्जामा फाइनान्सहरु सबैभन्दा धेरै आक्रामक देखिन्थे । अहिले बाणिज्य बैंकहरु सबैभन्दा धेरै आक्रामक छन् । बाणिज्य बैंकहरुले शेयर धितो कर्जालाई विशेष प्राथमिकता दिदै आइरहेका छन् । यसका लागि बैंकहरु ब्रोकरहरु सँग बढि समन्वय गर्नेदेखि लिएर ठुला लगानीकर्ताहरुलाई सम्पर्क राखेरै कारोबार बढाइरहेका छन् ।

शेयर धितो कर्जामा दोस्रो नम्बरमा राष्ट्रिय बाणिज्य बैंक रहेको छ । बैंकले ६.६४ प्रतिशतमै यस्तो कर्जा प्रवाह गर्दै आइरहेको छ । छोटो अवधिका लागि कर्जा प्रवाह हुने भएकाले अधिक तरलतालाई यस्तो क्षेत्रमा कर्जा प्रवाह गरेर बैंकहरुले व्यवस्थापन गरिरहेका छन् । तेस्रो नम्बरमा कृषि विकास बैंक र चौथो नम्बरमा एभरेष्ट बैंक रहेको छ । एभरेष्ट बैंकले ६.८४ प्रतिशतमै शेयरधितो कर्जा प्रवाह गर्दै आइरहेको छ । यस सँगै ग्लोबल आइएमई बैंकले पनि ६.९५ प्रतिशतमै शेयर धितो कर्जाको अफर गर्दै आइरहेको छ ।

सिद्धार्थ बैंकले पनि ७.१३ प्रतिशतमै शेयर धितो कर्जा उपलब्ध गराउदै आएको छ । यस पछि नविल बैंकले ७.३१ प्रतिशतमा शेयर धितो कर्जा उपलब्ध गराएको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?