वित्तीय पहुँचमा महत्वपूर्ण उपलब्धि, ७५३ वटै स्थानीय तहमा पुग्यो बैंकको शाखा सञ्जाल, नेपालभर बैंक वित्तीय संस्थाको शाखा सञ्जाल ११,५४५

काठमाडौं । नेपाल राष्ट्र बैंकको सम्पुर्ण स्थानीय तहमा बैंक वित्तीय संस्थाको शाखा सञ्जाल पुर्याउने योजना बल्ला पुरा भएको छ । नेपाल राष्ट्र बैंकले मौद्रिक नीति मार्फत सम्पुर्ण स्थानीय तहमा शाखा सञ्जाल विस्तार गर्ने उद्देश्य राखेको थियो । यसै क्रममा राष्ट्र बैंकले दुर्गम क्षेत्रका स्थानीय तहमा बाणिज्य बैंकलाई तोकेरै शाखा खोल्न निर्देशन दिदै आएकोमा बल्ल पुरा भएको छ । 

देशमा वित्तीय पहुँच अभिवृद्धि गर्दै सुदृढ, समावेशी र दिगो बैकिङ प्रणाली निर्माण गर्ने नेपाल राष्ट्र बैंकको पहलस्वरूप मिति २०८१ माघ २८ गते बझाङ जिल्लाको साइपाल गाउँपालिकामा एभरेष्ट बैंक लिमिटेडको शाखा विस्तार भएसँगै अब देशका ७५३ वटै स्थानीय तहमा वाणिज्य बैंकको शाखा विस्तार भएको हो ।

२०८१ पुस मसान्तसम्ममा नेपालमा वाणिज्य बैंकहरूको शाखा संख्या ५,०७८ पुगेको छ भने विकास बैंक, वित्त कम्पनी र लघुवित्त वित्तीय संस्थासमेत गरी बैंक तथा वित्तीय संस्थाको शाखा संख्या ११,५४५ पुगेको छ। यसका आधारमा बैंक तथा वित्तीय संस्थाको प्रत्येक शाखाले औसतमा २,५२६ जनसंख्यालाई सेवा प्रदान गरिरहेको छ।

यस बैंकबाट इजाजतपत्रप्राप्त बैंक तथा वित्तीय संस्थाका शाखाहरूमार्फत बचत र कर्जाको कारोबारका साथै डिजिटल बैंकिङ जस्ता आधुनिक उपकरणमार्फत बैंकिङ सेवा प्रवाह भइरहेको छ। नेपाल राष्ट्र बैंकले इजाजतपत्रप्राप्त बैंक तथा वित्तीय संस्थामार्फत सुरक्षित बैंकिङ कारोबार गर्न समेत आह्वान गरेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?