उर्जा उद्यमी सुदीपकुमार चौधरीको सफलताको कथा: 'मेरो उन्नतिमा सधै सम्झिने नाम भनेकै सिद्धार्थ बैंक हो'

काठमाडौं, फागुन ८ । सुदीपकुमार चौधरी, जलविद्युत् क्षेत्रमा आफ्नो पहिचान बनाउने एक साहसी व्यक्तित्व हुन् । वि.सं. २०६० मा पुल्चोक इन्जिनियरिङ क्याम्पसबाट सिभिल इन्जिनियरिङमा स्नातक गरेपछि उनको व्यावसायिक यात्रा सुरु भयो । अध्ययन पूरा भएसँगै उनले मिनि हाईड्रोपावर प्रोजेक्ट (३२०० किलोवाट) मा आयोजना प्रमुखको जिम्मेवारी पाए । त्यहाँ काम गर्दाको अनुभवले उनलाई जलविद्युत् क्षेत्रमा भविष्य खोज्ने प्रेरणा दियो ।

देशभरि १०–१२ घण्टाको लोडसेडिङ भइरहेको तत्कालीन समयमा चौधरीले आफ्नो ज्ञान र सीपलाई देशकै ऊर्जा क्षेत्रमा उपयोग गर्ने दृढ निश्चय गरे । जलविद्युत् क्षेत्रको सुरुवात सहज भने थिएन । भौगोलिक कठिनाइ, प्राविधिक जनशक्तिको अभाव र प्राकृतिक प्रकोपहरूले चुनौती थप्थे । आयोजनास्थलमा सामग्री पुर्याउन समस्या हुन्थ्यो भने मौसमले पनि कामलाई थप कठिन बनाउँथ्यो । यसका साथै, आर्थिक चुनौती पनि उस्तै गम्भीर थिए । निर्माणका लागि ठूलो लगानी आवश्यक थियो, तर लगानी जुटाउन कठिन ।

तर, चौधरीले यी सबै समस्यालाई अवसरमा बदल्ने प्रण गरे । स्थानीय बासिन्दासँग सहकार्य गरी रोजगार सिर्जना गरे । दक्ष जनशक्ति भेला पारी परामर्शदाताहरूको सहयोगमा आयोजना अघि बढाए । वित्तीय समस्या समाधानका लागि साझेदारी मोडेल अपनाए र बैंकहरूसँग सहकार्य गरे ।

आजको दिनसम्म आइपुग्दा चौधरीले १६.२६ मेगावाटको लिपिङ खोला जलविद्युत् आयोजना निर्माण गरिरहेका छन् । त्यस्तै, २४ मेगावाटको सुपर सेती र १२८ मेगावाटको तमोर मेवा आयोजनामा पनि उनकै नेतृत्व तहमै बसेर अगाडि बढिरहेका छन् ।

किन यसरी यही क्षेत्रमा लागिपरिरहेका छन् त उनी ? उनको स्पष्ट जवाफ छ, ‘जलविद्युत्ले देशको आर्थिक विकासमा ठूलो योगदान दिन सक्छ । त्यसैले यही क्षेत्रमा केही गर्नुपर्छ भनेर लागिपरेको छु ।’

चौधरीले प्राविधिक, आर्थिक, सामाजिक र प्रशासनिक समस्याहरू समाधान गर्न विभिन्न उपायहरू खोजे । प्राविधिक समाधानका लागि उनले विज्ञ टोलीको परामर्शमा आयोजना योजना बनाउने र निर्माण कार्य अघि बढाउने नीति अपनाए । आर्थिक चुनौतीलाई पार गर्न उनले साझेदारी मोडेलको प्रयोग गरे र निजीक्षेत्र तथा बैंकहरूसँग सहकार्य गरी वित्तीय स्रोत जुटाए । सामाजिक समाधानका रूपमा उनले स्थानीय समुदायलाई रोजगार प्रदान गर्ने, सामाजिक परियोजनाहरू सञ्चालन गर्ने र समुदायसँग प्रत्यक्ष संवाद कायम गरेर समस्याको समाधान गरे । प्रशासनिक समाधानको रूपमा उनले सरकारी निकायहरूसँग समयमै समन्वय गरेर स्वीकृति प्रक्रियालाई छिटो बनाउन प्रयास गरे । यी सबै प्रयासहरूल चौधरीलाई व्यावसायिक यात्रामा सफलता प्राप्त गर्न मद्दत पुर्यायो ।

आफ्नो व्यावसायिक यात्रामा सिद्धार्थ बैंकको पनि महत्वपूर्ण भूमिका रहेको चौधरी सहर्ष स्वीकार्छन् । सिद्धार्थ बैंकले समयमै कर्जा, क्रेडिट लाइन र अन्य वित्तीय सेवाहरू प्रदान गरेर आयोजना सञ्चालनमा सहयोग गरेको उनी भुल्न चाहँदैनन् । सिद्धार्थ बैंकसँगको साझेदारीले आयोजना निर्माणको वित्तीय पक्षलाई मजबुत बनाएको छ । चौधरीको मुख्य लक्ष्य २०८१ सालभित्र लिपिङ खोला जलविद्युत् आयोजना सम्पन्न गर्नु हो । त्यसपछि, सुपर सेती र तमोर मेवा आयोजनालाई निर्माण चरणमा पुर्याउने उनको मुख्य लक्ष्य छ । साथै, उनले सौर्य ऊर्जा उत्पादन र केबुलकारजस्ता अन्य परियोजनाहरूमा पनि काम गर्ने योजना बनाएका छन् ।

तर, यसरी आफ्नो उन्नतिमा चौधरीले सधैँ सम्झने नाम भनेको सिद्धार्थ बैंक हो । उनका अनुसार सिद्धार्थ बैंकसँगको साझेदारी व्यवसायको वृद्धि र विकासका लागि महत्वपूर्ण छ । यस बैंकले समयमै वित्तीय सहयोग र दीर्घकालीन साझेदारी प्रदान गर्दै व्यवसायलाई अगाडि बढाउन मद्दत गरेको छ, जसले व्यवसायमा विश्वास र स्थिरता ल्याएको उनले सुनाए ।

बैंकको सेवाले पुँजी व्यवस्थापनमा महत्वपूर्ण भूमिका खेलेको छ । अहिले सिद्धार्थ बैंकबाट विभिन्न वित्तीय सेवाहरू प्राप्त गर्दै आयोजना निर्माणमा सहयोग मिलेको छ, जसले व्यवसायलाई आर्थिक र प्राविधिक रूपमा मजबुत बनाएको अनुभव उनले सुनाए ।

सिद्धार्थ बैंकसँगको सम्बन्ध भविष्यमा व्यवसायको सफलतामा महत्वपूर्ण भूमिका खेल्ने विश्वास उनको छ । बैंकसँगको सहकार्यले व्यवसायको विस्तार र नयाँ योजनाहरूको कार्यान्वयनमा मद्दत पुर्याउने उनले सोचेका छन् । कारण, व्यवसायको विस्तारका क्रममा वित्तीय व्यवस्थापनका लागि कर्जाको स्वाभाविक आवश्यकता पर्छ । र, सिद्धार्थ बैंकले समयमै वित्तीय सहयोग र आवश्यक सेवाहरू प्रदान गरेर आयोजनाहरूलाई समयमै निर्माण सम्पन्न गर्न मद्दत गर्यो ।

त्यसैले व्यवसाय र बैंकबीचको सहकार्यलाई अझ मजबुत बनाउँदै भविष्यमा पनि अरु धेरै आयोजना अगाडि बढाउन सिद्धार्थ बैंकबाट वित्तीय मद्दत पुग्नेमा चौधरी विश्वस्त छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?