बैंक वित्तीय संस्थाका कर्मचारीले ट्रेड युनियन खोल्न नपाउने, श्रम ऐन अन्तर्गत नपर्ने

काठमाडौं, फागुन ८ गते । सर्वोच्चको फैसलाले बैंक तथा वित्तीय संस्थामा कार्यरत कर्मचारीहरुले श्रम ऐनको अधिकार नपाउने स्पष्ट पारेको छ । बैंक तथा वित्तीय संस्थालाई श्रम ऐन नलाग्ने क्षेत्रको रुपमा व्याख्या गरिएपछि कर्मचारीहरुले ट्रेड युनियन गठन गर्ने अधिकार समेत गुमाएका छन् । 

श्रम ऐन अन्तर्गत ट्रेड युनियन दर्ता हुनुपर्ने भएकाले अब बैंक क्षेत्रमा युनियन स्थापित हुन नसक्ने सर्वोच्चको फैसलामा उल्लेख छ । गत शुक्रबार प्रधानन्यायाधीश प्रकाशमान सिंह राउत तथा न्यायाधीशहरु तिलप्रसाद श्रेष्ठ, विनोद शर्मा, शारंगा सुवेदी र टेकप्रसाद ढुंगानाको बृहत् पूर्ण इजलासले बैंक तथा वित्तीय संस्थामा श्रम ऐन लागू नहुने ठहर गर्दै यस्तो निर्णय सुनाएको हो । न्यायाधीश टेकप्रसाद ढुंगानाले भने फरक मत राखेका छन् ।

स्वाबलम्बन विकास बैंकका कर्मचारीहरुले श्रम ऐनअनुसार सेवा सुविधा नपाएको भन्दै श्रम अदालतमा मुद्दा दायर गरेका थिए । यही मुद्दा ’बृहत् पूर्ण इजलास’मा पुगेको थियो । बैंक तथा वित्तीय संस्थाहरु विशेष ऐनद्वारा संचालित भएको हुँदा त्यसमा श्रम ऐनले नछुने सर्वाेच्चको व्याख्या रहेको छ । बैंक–वित्तीय संस्था विशेष ऐनबाट सञ्चालित हुन्छन् । जसलाई केन्द्रीय बैंकले नियमन गरेको हुन्छ । बैंक तथा वित्तीय संस्था सम्बन्धी ऐन, २०७३ अन्तर्गत यी कम्पनीहरु सञ्चालित छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?