![$adHeader[0]['title']](https://bfisnews.com/images/bigyapan/1741451017_Paywear-850-x-150-px-1.gif)
निर्णय पुनर्विचार गरेर शेयर जारी गर्न सक्ने व्यवस्था गरिदिन लेखा समितिलाई इप्पानकाे पत्र
- BFIS News
- 2025 Feb Fri 18:48
काठमाडौं । स्वतन्त्र ऊर्जा उत्पादकहरुको संस्था, नेपाल (इप्पान) ले जलविद्युत कम्पनीहरुको आइपीओ निष्कासनमा लगाइएको रोक हटाउन सार्वजनिक लेखा समितिलाई आग्रह गरेको छ । इप्पानले २०८० पुस १२ गते बसेको १९औँ बैठकमा गरिएको निर्णयले जलविद्युत् कम्पनीहरुलाई गम्भीर असर पुर्याएको दाबी गर्दै उक्त निर्णय परिमार्जन गर्न माग गरेको हो ।
इप्पानका अनुसार, समितिको निर्णयमा आइपीओ जारी गर्न कम्पनीको वास्तविक नेटवर्थ ९० भन्दा बढी हुनुपर्ने व्यवस्था राखिएपछि नेपाल धितोपत्र बोर्डले ४२ वटा जलविद्युत् कम्पनीको आईपीओ अनुमति रोकेको छ ।
यसले निजी क्षेत्रबाट निर्माणाधीन आयोजनाहरुको वित्तीय व्यवस्थापनमा समस्या उत्पन्न गराउनुका साथै आयोजनाहरु स्थानीय तहमा अवरोधको सामना गर्न बाध्य भएका छन् । स्थानीयवासीहरुले सेयर वितरण कहिले हुन्छ भन्ने प्रश्न गरिरहे पनि स्पष्ट उत्तर दिन नसकिएको इप्पानको दाबी छ ।
नेपालमा जलविद्युत उत्पादक कम्पनीहरुको छाता संस्था इप्पानमा करिब ६५० कम्पनीहरु आबद्ध रहेका छन् । हाल नेपालमा उत्पादित कुल ३,४५० मेगावाट विद्युतमध्ये निजी क्षेत्रबाट मात्र २,७४० मेगावाट बराबरका १९० आयोजना निर्माण सम्पन्न भइसकेका छन् ।
त्यस्तै, ४,०६३ मेगावाट बराबरका १४१ आयोजना निर्माणाधीन तथा ४,३६३ मेगावाट बराबरका १४१ आयोजना नेपाल विद्युत प्राधिकरणसँग विद्युत खरिद सम्झौता (पीपीए) गरिसकेको तर वित्तीय व्यवस्थापनको पर्खाइमा रहेको इप्पानले जनाएको छ ।
सर्वेक्षण कार्य सम्पन्न गरिसकेर पीपीएका लागि आवेदन दिएका आयोजनाहरुको क्षमता ८,००० मेगावाटभन्दा बढी रहेको छ भने विद्युत विकास विभागमा निर्माण अनुमति पाउन आवेदन दिएका आयोजनाहरुको क्षमता १०,७०० मेगावाट बराबर रहेको छ ।
यी आयोजनाहरुमा हालसम्म निजी क्षेत्रबाट १५ खर्ब रुपैयाँ लगानी भइसकेको र आगामी १० वर्षमा ३० खर्ब रुपैयाँभन्दा बढी लगानी आवश्यक पर्ने बताइएको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
प्रतिक्रिया