ट्रकमा बस ठोक्किएर दुर्घटना हुँदा सात जनाको मृत्यु, तीसजना घाइते

काठमाडौं । बाँकेको राप्तीसोनारी गाउँपालिका–८ शमशेरगञ्जमा रोकिराखेको ट्रकमा बस ठोक्किएर दुर्घटना हुँदा सातजनाको मृत्यु भएको छ भने ३० जना घाइते भएका छन् ।

जिल्ला प्रहरी कार्यालय बाँकेका प्रहरी प्रवक्ता डिएसपी नारायण डाँगीका अनुसार दाङबाट बर्दियातर्फ आउँदै गरेको ना ७ ख २३२१ नम्बरको बस बाँकेको शमशेरगन्जमा रोकिराखेको ना ८ ख ६४०५ नम्बरको ट्रकमा शुक्रबार राती करिब ९ बजे ठोक्किएर दुर्घटना भएको थियो । 

बिग्रिएर सडक छेउमा राखिएको सो ट्रकसँग बस ठोक्किँदा बसमा सवार ठाकुरबाबा ९ का काशिराम थारु, कस्तुरी थापा, रुपा परियार, जयन्ती थारु र बसका चालक जुकबहादुर चन्दसहित ७ जनाको जनाको मृत्यु भएको हो । 

दुर्घटनामा परी ३० जना घाइते भएको प्रहरीले जनाएको छ । मृत्यु हुने बसका सहचालक र अन्य एकजनाको सनाखत हुन नसकेको प्रहरीले जनाएको छ ।

डिएसपी डाँगीले बसमा ४१ जना सवार रहेको जानकारी प्राप्त भएको बताउँदै दुर्घटनाको खबर प्राप्त हुने बित्तिकै ईलाका प्रहरी कार्यालय कोहलपुरबाट डिएसपी सुन्दर तिवारीको नेतृत्वको टोली घटनास्थलमा पुगेर उद्धार गरी घाइतेलाई कोहलपुर मेडिकल कलेज पुराएको जानकारी दिए । घाइतेकाे कोहलपुरमा उपचार भइरहेको छ । 

बसमा बेतनी सामुदायिक वन उपभोक्ता समिति ठाकुरद्वारा बर्दियाको टोली सवार रहेको र उनीहरु दाङबाट बर्दियातर्फ जाँदै गरेका थिए छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन