समाजसेवी, खेलाडी र उद्यमशीलता सँगै बीमा अभिकर्तामा जमेकी कौशिला चेम्जोङको प्रेरणादायी यात्रा

काठमाडौं । जीवनको विभिन्न भूमिकामा सन्तुलन राख्दै अगाडि बढ्ने महिलाहरू समाजका लागि प्रेरणाको स्रोत बन्न सक्छन्। शिक्षिका, समाजसेवी, खेलाडी र उद्यमशील व्यक्तित्वको परिचय बनाएकी कौशिला चेम्जोङ राई यस्तै एक प्रेरणादायी महिला हुन्।

जीवनको आरोह अवरोहलाई पार गर्दा गर्दै कौशिला हाल आइएमई लाइफ इन्स्योरेन्स कम्पनीको एजेन्सी म्यानेजर हुन् । उनले बीमा क्षेत्रमा काम गर्न थालेपछि सयौं मानिसलाई आर्थिक सुरक्षाको महत्त्व बुझाउन सफल भएकी छन्। तीन वर्ष शिक्षण पेशामा लागेपछि समाजसेवामा सक्रिय रहेकी उनले अहिले जग्गा प्लानिङ र पोलिटिकल साइन्स विषय लिएर अध्ययनसमेत गरिरहेकी छन्। खाली समयमा स्कुटर तथा बाइक ट्रेनरको भूमिका निर्वाह गर्दै आएकी उनले बहुआयामिक भूमिकामा आफूलाई अब्बल सावित गरिरहेकी छिन्।

बीमा क्षेत्रमा सशक्त पहिचान

आइएमई लाइफ इन्स्योरेन्स कम्पनीमा सरिता लिम्बूको प्रेरणाले प्रवेश गरेपछि कौशिलाले १०० भन्दा बढी आफन्त र साथीभाइलाई जीवन बीमा गराउन सफल भइसकिन् । उनले जीवन बीमा केवल कागजी प्रक्रिया नभई सुरक्षित भविष्यका लागि गरिएको लगानी हो भन्ने सन्देश फैलाउँदै आएकी छन्। मानिसहरूलाई बुढेसकालमा आर्थिक सुरक्षितताको महत्त्व बुझाउन पाउँदा आफू गर्वान्वित महसुस गर्ने उनले बताइन्।

बीमा क्षेत्रमा उल्लेखनीय योगदान दिएवापत विभिन्न सम्मान प्राप्त गरेकी कौशिलाले आफ्नो पेसागत जीवनलाई सन्तुलित बनाउन सफल भएकी छन्। भारतीय सेनामा कार्यरत श्रीमानको अनुपस्थितिमा परिवारको जिम्मेवारी सम्हाल्दै उनले आफ्नो छोराको हेरचाहका साथै पेसागत जीवनलाई पनि उत्तिकै महत्त्व दिएकी छन्।

महिलाहरूको आत्मनिर्भरता र सफलताको कथा

कौशिला चेम्जोङ राई महिलाहरूलाई आत्मनिर्भर बन्न प्रेरित गर्छिन्। श्रीमानको आम्दानीमा मात्र निर्भर नभई महिलाहरूले आर्थिक रूपमा सक्षम हुनुपर्ने उनको धारणा छ। महिलाहरूले आफ्नो घर-परिवारलाई समय दिँदै पनि आर्थिक रूपमा सशक्त बन्न सक्ने कुरामा उनले जोड दिन्छिन्।

उनि भन्छिन्, "यदि तपाईं आफ्नो खाली समय सदुपयोग गर्न चाहनुहुन्छ भने आइएमई लाइफ इन्स्योरेन्स कम्पनीमा पार्ट टाइम जागिर गर्न सक्नुहुन्छ। जीवन बीमा सम्बन्धी जानकारी लिन वा काम गर्न इच्छुक हुनुहुन्छ भने मलाई सम्पर्क गर्न सक्नुहुन्छ। आवश्यक तालिम र मार्गदर्शन दिनेछौ।"

समाजमा महिलाहरूको योगदानलाई अझ प्रभावकारी बनाउन उनीजस्ता उद्यमशील महिलाको भूमिका महत्त्वपूर्ण रहन्छ। आत्मनिर्भरता, समाजसेवा र व्यावसायिक सफलताको समिश्रणले कौशिलाको यात्रा अन्य महिलाहरूका लागि प्रेरणाको स्रोत बन्न सक्छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना