बालेन क्याविनेटको अर्थमन्त्रीमा स्वर्णिम वाग्ले, नेपालको आर्थिक रुपान्तरणमा काम गर्ने जनअपेक्षा

काठमाडौं । नवनियुक्त अर्थमन्त्री स्वर्णिम वाग्ले तनहुँ–२ बाट निर्वाचित प्रतिनिधिसभा सदस्य तथा राष्ट्रिय स्वतन्त्र पार्टी का उपसभापति हुन्। अर्थशास्त्रमा गहिरो शैक्षिक र व्यावसायिक अनुभव बोकेका वाग्लेले देशको आर्थिक सुधारमा नयाँ अपेक्षा जगाएका छन्।

वाग्लेले अस्ट्रेलियन नेसनल युनिभर्सिटी बाट अर्थशास्त्रमा विद्यावारिधि गरेका छन्। यसअघि उनले लन्डन स्कुल अफ इकोनोमिक्स, हार्वर्ड विश्वविद्यालय लगायत प्रतिष्ठित शैक्षिक संस्थाबाट उच्च शिक्षा हासिल गरेका थिए।

व्यावसायिक जीवनमा उनले राष्ट्रसंघीय विकास कार्यक्रम को एसिया–प्रशान्त क्षेत्रका प्रमुख आर्थिक सल्लाहकारका रूपमा काम गरेका छन्। साथै विश्व बैंक, सर्वांगीण विकास अध्ययन केन्द्र र काठमाडौं विश्वविद्यालय मा आबद्ध रहँदै नीति अनुसन्धान र शिक्षणमा योगदान दिएका छन्।

राजनीतिमा सक्रिय हुनुअघि वाग्ले नेपाली कांग्रेस मा आवद्ध थिए। त्यतिबेला तत्कालीन प्रधानमन्त्री शेरबहादुर देउवा ले उनलाई राष्ट्रिय योजना आयोगको उपाध्यक्ष नियुक्त गरेका थिए।

२०७२ सालको नेपाल भूकम्प २०१५ पछि पुनर्निर्माणका लागि क्षति आकलन र अन्तर्राष्ट्रिय सहयोग जुटाउने कार्यमा उनले महत्वपूर्ण भूमिका खेलेका थिए। नीति निर्माण, आर्थिक योजना तथा वैचारिक बहसहरूमा उनको सक्रिय उपस्थिति रहँदै आएको छ।

शैक्षिक क्षेत्रमा पनि उनको संलग्नता उल्लेखनीय छ। सन् २०२२ मा क्याम्ब्रिज विश्वविद्यालय सँग सम्बन्धित ‘द ग्रेट अपहिभेल’ नामक कृतिको सह-सम्पादकका रूपमा उनले काम गरेका थिए।

वाग्लेले नेपालमा आर्थिक सुधारका लागि दीर्घकालीन दृष्टिकोण अघि सारेका छन्। उनले आगामी पाँचदेखि सात वर्षभित्र नेपालको कुल गार्हस्थ्य उत्पादन (जिडिपी) एक सय अर्ब रुपैयाँ पुर्‍याउने लक्ष्य प्रस्तुत गर्दै आएका छन्।

फागुन २१ को निर्वाचनअघि नै रवि लामिछाने ले उनलाई भावी अर्थमन्त्रीका रूपमा सार्वजनिक गर्दै बजेट तयारीमा जुट्न निर्देशन दिएका थिए।

वाग्लेले विगतमा संसद् बैठकहरूमा विकृत निर्माण व्यवसायी र खराब राजनीतिज्ञबीचको ‘नेक्सस’ तोड्नुपर्ने धारणा राख्दै आएका छन्। निजी क्षेत्रलाई खुम्च्याउने नीतिको आलोचना गर्दै उनले उत्पादनमूलक क्षेत्रमा लगानी बढाउनुपर्नेमा जोड दिएका छन्। साथै २०७५ सालको सार्वजनिक क्षेत्र पुनरावलोकन आयोगको प्रतिवेदन कार्यान्वयन गर्दै विकास समिति ऐन र विभिन्न परिषद्हरू खारेज वा मर्ज गर्नुपर्ने आवश्यकता औंल्याएका छन्।

नवनियुक्त अर्थमन्त्रीका रूपमा वाग्लेको भूमिका अब देशको आर्थिक दिशा निर्धारणमा कति प्रभावकारी हुन्छ भन्नेमा सर्वत्र चासो व्यक्त गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन