विद्युतीय सवारीसाधनमा अत्याधिक आकर्षण, नेपालमा दीपल, आऐन र विवाइडी अट्टो सबैभन्दा बलिया प्रतिस्पर्धी

BFIS News
2025 Apr Mon 13:23

विद्युतीय सवारीसाधनमा अत्याधिक आकर्षण, नेपालमा दीपल, आऐन र विवाइडी अट्टो सबैभन्दा बलिया प्रतिस्पर्धी

काठमाडौं, चैत २५ गते । नेपालमा विद्युतीय सवारीसाधन (Electric Vehicles - EV) प्रतिको आकर्षण तीव्र गतिमा बढ्दो छ । यसले गर्दा विक्रेताहरुले ग्राहकहरुको प्राथमिकतालाई ध्यान दिदै प्रतिस्पर्धा गरिरहेका छन् ।

विशेष गरि कम्प्याक्ट इलेक्ट्रिक SUV वर्गमा दीपल S07, आऐन V, र BYD Atto 3 बलियो प्रतिस्पर्धीका रूपमा उभिएका छन्। यी तीन मोडेलले विभिन्न डिजाइन, प्रदर्शन, र सुविधाहरूको प्रस्तुति गर्दै आफ्नो स्थान बनाउन सफल भएका छन्। यी तीन विद्युतीय सवारीसाधनहरु विचमा तुलना गर्दा तिनीहरूको डिजाइन, प्रदर्शन, ड्राइभिङ रेंज, चार्जिंग दक्षता र मूल्य निर्धारणलाई विश्लेषण गर्न सकिन्छ ।

दीपल S07

दीपल S07 एक स्टाइलिश र समकालीन इलेक्ट्रिक क्रसओभर SUV हो, जसले डिजाइन र व्यावहारिकता सँगै प्रस्तुत गरेको छ। यसका आयाम ४,७५० मिमी लम्बाइ, १,९३० मिमी चौडाइ र १,६२५ मिमी उचाई छन्, जसका कारण यसको भित्री भाग प्रचुर र आरामदायक छ। प्रमुख भित्री सुविधामा १५.६ इन्चको घुम्ने टचस्क्रीन इन्फोटेन्मेन्ट सिस्टम र प्यानोरामिक सनरूफ समावेश छन्।

दीपल S07 को पावर ९९ किलवाटको रियर-माउन्टेड इलेक्ट्रिक मोटरबाट प्राप्त हुन्छ, जसले ३२० एनएम टोक पावर प्रदान गर्दछ। ६६.८ कWh को ब्याट्रीसँग यो गाडी ४१० किमी सम्मको WLTP रेंज दिन्छ। DC फास्ट चार्जिङको समर्थन गर्दै, यसको ब्याट्रीलाई मात्र ३५ मिनेटमा ३०% बाट ८०% सम्म चार्ज गर्न सकिन्छ। सुरक्षा र आरामका हिसाबले, दीपल S07 ६ एयरब्याग, भेन्टिलेटेड सीटहरू र १७५ मिमी ग्राउन्ड क्लीरेन्ससहित आउँछ। यसको बजार मूल्य ७४ लाख ९९ हजार रहेको छ।

आऐन V

आऐन V एक अत्याधुनिक इलेक्ट्रिक SUV हो, जसको भविष्यवादी डिजाइन र उच्च प्रौद्योगिकी सुविधाहरूले यसलाई एक आकर्षक विकल्प बनाएको छ। यसको लम्बाइ ४,६०५ मिमी, चौडाइ १,८५४ मिमी र उचाई १,६६० मिमी छ। यसको भित्री सजावटमा लेदरिट सीटहरू, स्मार्ट फ्रिज र खाना तताउने यन्त्र छन्। प्यानोरामिक ग्लास छ र १० स्पिकरको साउण्ड सिस्टमले क्याबिनलाई अझ आकर्षक बनाएको छ ।

प्रदर्शनमा, आऐन V ० देखि १०० किमी/घण्टामा ७.९ सेकेन्डमा पुग्छ। सुरक्षा र स्मार्ट ड्राइभिङका लागि यसमा ७ एयरब्याग र १५ उन्नत ड्राइभर सहायक सुविधाहरू उपलब्ध छन्। आऐन V को मूल्य ६४ लाख ९९ हजारदेखि ६९ लाख ९९ हजारको विचमा छ ।

BYD Atto 3

BYD Atto 3 एक कम्प्याक्ट इलेक्ट्रिक SUV हो जसले स्टाइल र व्यावहारिकता मिश्रण गरेको छ। यसको लम्बाइ ४,४५५ मिमी, चौडाइ १,८७५ मिमी र उचाई १,६१५ मिमी छ, जबकि यसको व्हीलबेस २,७२० मिमी छ। यसमा १२.८ इन्चको घुम्न मिल्ने टचस्क्रीन र वायरलेस चार्जिङ जस्ता सुविधाहरू छन्।

यसको १०० किलवाटको इलेक्ट्रिक मोटरले ३१० एनएम टोक पावर उत्पादन गर्दछ। ६०.४८ कWh को ब्याट्रीसँग, यो गाडी ४२० किमी सम्मको रेंज दिन्छ। यसको मूल्य ६७ लाख ८० हजार रहेको छ भने यसमा ७ एयरब्यागहरू छन्।

OMODA

OMODA ९९ किलवाट मोटरबाट सञ्चालित छ, जसले रोमाञ्चक ड्राइभिङ अनुभव प्रदान गर्दछ। यसको लम्बाइ ४४०० मिमी, चौडाइ १८३० मिमी, र उचाई १५८८ मिमी छ। यसको ब्याट्री ६१ कWh छ, जसले ४३० किमी को रेंज प्रदान गर्दछ। मूल्य ६२ लाख ४९ हजार रुपैयाँ रहेको छ । यसमा एर्गोनोमिक सीटिङ, एम्बियंट लाइटिङ र अत्याधुनिक प्रविधिहरू समावेश छन्।

Jaecoo 6

Jaecoo 6 ले "OFF-ROAD TRENDY" डिजाइनको साथ बलियो प्रदर्शन गरेको छ। यसको १३५ किलवाट मोटर र ६५.६९ कWh ब्याट्रीसँग ४२६ किमी सम्मको रेंज प्रदान गर्दछ। यसको २०० मिमी ग्राउन्ड क्लीरेन्सले विभिन्न सडक अवस्थाहरूलाई सहजै सामना गर्न मद्दत पुर्याउँछ। यसको मूल्य ६९ लाख ९९ हजारबाट सुरु हुन्छ।

तुलनात्मक रुपमा हेर्दा

रेंज:

आऐन V को रेंज ६५० किमी सम्मको छ, जसले यसलाई अग्रणी बनाउँछ। दीपल S07 ४१० किमी र BYD Atto 3 Extended Range संस्करण ४२० किमी सम्मको रेंज दिन्छ। Omoda र Jaecoo को रेंज क्रमशः ४३० किमी र ४२६ किमी छ।

मूल्य:

BYD Atto 3 सबैभन्दा सस्तो विकल्प हो, यो ६७ लाख ८० हजारमा उपलब्ध छ । दीपल S07 को मूल्य ७४ लाख ९९ हजार रहेको छ । OMODA NPR ६२ लाख ४९ हजार र आऐन V को बजार मूल्य ६९ लाख ९९ हजार रहेको छ ।

ग्राउन्ड क्लीरेन्स:

ऐन V को १८५ मिमी ग्राउन्ड क्लीरेन्स नेपालका चुनौतीपूर्ण सडक अवस्थाका लागि उपयुक्त छ। दीपल S07 र BYD Atto 3 मा १७५ मिमी ग्राउन्ड क्लीरेन्स छ।

भीत्रको आराम र सुविधाहरू:

ऐन V मा उच्च-स्तरीय सुविधाहरू जस्तै म्यासेज सीटहरू र इन्बिल्ट फ्रिज छन्। दीपल S07 र BYD Atto 3 मा यी सुविधाहरू छैनन्।

दीपल S07, ऐन V, BYD Atto 3, OMODA र Jaecoo बीच निर्णय गर्दा, ग्राहकहरूले रेंज, मूल्य, ग्राउन्ड क्लीरेन्स, र भित्री आरामलाई ध्यानमा राखेर निर्णय गर्नुपर्छ। ऐन V एक सन्तुलित विकल्पको रूपमा उभिन्छ, जसले प्रिमियम सुविधाहरू र सबैभन्दा लामो रेंजलाई प्रतिस्पर्धात्मक मूल्यमा प्रदान गर्दछ।