रिलायबल नेपाल लाइफ इन्स्योरेन्सको ‘रिलायबल समृद्धि योजना’ बैशाख ३ गतेदेखि बिक्रीमा

काठमाडौं । रिलायबल नेपाल लाइफ इन्स्योरेन्स लिमिटेडको कोष प्रबद्र्धनमा र रिलायबल इन्भेष्टमेन्ट एण्ड मर्चेन्ट क्यापिटल लिमिटेडको योजना व्यवस्थापनमा सञ्चालन हुने ‘रिलायबल सामूहिक लगानी कोष’ अन्तर्गतको पहिलो बन्दमुखी योजना ‘रिलायबल समृद्धि योजना’ यही बैशाख ३ गतेदेखि बिक्री खुला हुने भएको छ।

कुल १ अर्ब रुपैयाँ आकारको यस योजनामध्ये ८ करोड ५० लाख इकाई, अर्थात् ८५ करोड रुपैयाँ बराबरको सार्वजनिक निष्काशन सी–आश्वा प्रणालीमार्फत बिक्री खुला गरिनेछ।

धितोपत्र बोर्डको स्वीकृति प्राप्त यस योजना बन्दमुखी प्रकृतिको भएकाले निष्काशनपश्चात धितोपत्र बजारमा सूचीकृत भई सामूहिक लगानी कोष नियमावली, २०६७ बमोजिम खरिदबिक्री गर्न सकिनेछ। बीमा क्षेत्रबाट कोष प्रबद्र्धन गरिएको यो नेपालकै पहिलो सामूहिक लगानी कोष हो।

कम्पनीले यस योजनाबाट वार्षिक औसत १७.७३ प्रतिशत प्रतिफल दिने प्रक्षेपण गरेको छ। सार्वजनिक निष्काशन २०८२ साल बैशाख ३ गतेदेखि छिटोमा बैशाख ७ गते र ढिलोमा बैशाख १७ गतेसम्म खुला रहनेछ।

इच्छुक लगानीकर्ताहरूले न्यूनतम रु १ हजारदेखि अधिकतम रु १० करोड रुपैयाँसम्म लगानीका लागि सी–आश्वा खाता रहेको बैंक तथा वित्तीय संस्था वा मेरो शेयर प्रणाली प्रयोग गरी अनलाइन आवेदन दिन सक्नेछन्। कम्पनीले लगानीकर्तालाई आकर्षक प्रतिफल दिने प्रतिवद्धता व्यक्त गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन