विप्रेषण आप्रवाहमा १० प्रतिशतको वृद्धि, कुल रकम ११९१ अर्ब नाघ्यो

काठमाडौं । चालु आर्थिक वर्षको समीक्षा अवधिमा विप्रेषण आप्रवाहमा उल्लेखनीय वृद्धि भएको छ। नेपाल राष्ट्र बैंकले सार्वजनिक गरेको पछिल्लो तथ्याङ्कअनुसार विप्रेषण आप्रवाह १०.० प्रतिशतले वृद्धि भई कुल रकम ११९१ अर्ब ३१ करोड रुपैयाँ पुगेको छ। अघिल्लो वर्षको सोही अवधिमा यो वृद्धि दर १७.२ प्रतिशत थियो।

अमेरिकी डलरको आधारमा हेर्दा विप्रेषण आप्रवाह ७.३ प्रतिशतले वृद्धि भई ८ अर्ब ७४ करोड डलर पुगेको छ, जबकि अघिल्लो वर्ष उक्त दर १५.२ प्रतिशत रहेको थियो।

यस अवधिमा कुल खुद द्वितीय आय (खुद ट्रान्सफर) १३०१ अर्ब ९४ करोड रुपैयाँ पुगेको छ, जुन अघिल्लो वर्षको सोही अवधिमा ११७४ अर्ब ५४ करोड रुपैयाँ थियो।

त्यस्तै, वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या ३ लाख ५८ हजार २ सय २२ रहेको छ भने पुनः श्रम स्वीकृति लिनेको संख्या २ लाख ४९ हजार ६ सय ५२ पुगेको छ। अघिल्लो वर्ष यस्ता संख्या क्रमशः ३ लाख २७ हजार ८ सय ४२ र २ लाख ११ हजार २ सय २६ रहेका थिए। रोजगार र विप्रेषण आप्रवाह दुबै क्षेत्रमा देखिएको यो वृद्धिले अर्थतन्त्रमा सकारात्मक प्रभाव पार्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन