एभरेष्ट बैंकले क्षमता भन्दा कम लाभांश दिदा लगानीकर्ता निरुत्साहित, सक्नेले त दिन चाहेनन् नसक्नेले के देलान् !

काठमाडौं । एभरेष्ट बैंकले सार्वजनिक गरेको गत आर्थिक वर्षको चौथो त्रैमाशिक अवधिको अपरिष्कृत वित्तीय विवरण अनुसार वितरण योग्य मुनाफाबाटै प्रतिशेयर आम्दानी ४०.५० रुपैयाँ रहेको छ । अझ जगेडा कोषमा १० अर्ब २२ करोड रुपैयाँ रहेको छ । खुद मुनाफा भन्दा वितरण योग्य मुनाफा धेरै देखिएकाले पनि लगानीकर्ताले यस वर्ष एभरेष्ट बैंकबाट बम्बर बोनसको अपेक्षा गरेका थिए ।

बैंकको खुद मुनाफा ३ अर्ब ३९ करोड रुपैयाँ रहेको छ भने वितरण योग्य मुनाफा ४ अर्ब ३३ करोड रुपैयाँ छ । यो सबै तथ्याङ्कलाई हेर्दा लगानीकर्ताहरु उत्साहित थिए । तर वित्तीय विवरणलाई मात्रै आधार मानेर लगानी गर्नेहरु भने थप आक्रोसित हुनु स्वभाविक पनि हो । एक लगानीकर्ताले सामाजिक सञ्जालमा बैंकको लाभाशलाई लिएर ’४० प्रतिशत दिन सक्ने हैसियत थियो, दिएछ २० प्रतिशत मात्रै । यो भन्दा त माछापुच्छ्रे उत्तम देखियो ।’ कतिपय लगानीकर्तालेहरुले भने बैंकको लाभांशलाई व्यङ्ग्य गर्दै सक्नेले त दिन चाहेनन् नसक्नेले के देलान् भनेका छन् ।

बैंकको लाभांश दिन सक्ने क्षमताकै कारण यस वर्ष बैंकको शेयर मूल्य धेरै तल झर्न सकेन । एक वर्षको अवधिमा बैंकको शेयर मूल्य सर्वाधिक कम ४२१ रुपैयाँ भन्दा तल झर्न सकेन ।  त्यस्तै अधिकतम ६३३ रुपैयाँसम्म पुग्यो । तर बैंकको आज बसेको सञ्चालक समितिले चुक्ता पूँजीको १० प्रतिशत बोनस शेयर र १०.५३ प्रतिशत नगद सहित २०.५३ प्रतिशत कुल लाभांश घोषणा गरेको छ । बैंकले गएको वर्ष १३ प्रतिशत बोनस शेयर र ७.६८ प्रतिशत नगद सहित कुल २०.६८ प्रतिशत लाभांश दिएकोमा यस वर्ष नगदलाई अझ बढि प्राथमिकता दिएको छ ।

बैंकको चुक्ता पूँजी १० अर्ब ६९ करोड रहेको छ । प्रस्तावित बोनस शेयर वितरण पछि चुक्ता पूँजी ११ अर्ब ७५ करोड पुगेको छ । पञ्जाव नेशनल बैंकको पनि शेयर भएका कारण बैंकलाई बोनस शेयर सँग सँगै नगद लाभांशका लागि पनि दवाव थियो । बैंकको लाभांश इतिहास हेर्यो भने विगत पूँजी बृद्धि योजना भन्दा अगाडी सर्वाधिक नगद लाभांश दिने बैंकको सूचीमा पर्थ्यो । न्युनतम चुक्ता पूँजी जुटाउने प्रयोजन बाहेक बैंकले खासै बोनस शेयर दिन चाहेको देखिदैन । गएका वर्षमा राष्ट्र बैंकले कोभिड १९ को अवस्थालाई मध्यनजर गर्दै नगद लाभांशमा रोक लगायो । यसले गर्दा २०७७ र २०७८ मा ४/५ प्रतिशतमै टारिदियो । यसले गर्दा बैंकको जगेडा कोष थप बलियो बनेको हो ।

यस वर्ष भन्दा राष्ट्र बैंकले लाभांश वितरणमा छुट गरिदिएको थियो । बैंकहरुले आफुखुसी लाभांश वितरण गर्न पाउने भने पछि लगानीकर्ताहरुको बैंकहरु प्रति ठुलो अपेक्षा थियो । तर नियामकीय दरहरुलाई कायम गर्नु पर्ने दवावका कारण बैंकले गत वर्षकै लाभांश दरलाई निरन्तरता दिएको छ ।

अहिले नगद लाभांश धेरै दिने वित्तीकै प्राथमिक पूँजीबाट पुर्याउनपर्ने पूँजीकोष ‘CCAR’ मा दवाव पर्ने थियो । हाल बैंकको सिसिएआर १० प्रतिशत भन्दा माथि छ । यस्तो अनुपात न्युनतम पनि ८.५ प्रतिशत हुनु पर्छ । यसले गर्दा पनि बैंकले क्षमता भन्दा कम लाभांश दिएको हुनु पर्छ । सिसिएआर घट्ने वित्तीकै बैंकको व्यवसाय विस्तारमै पुर्ण विराम लाग्छ । यसो हुने वित्तीकै मर्जर पछि शक्तिशाली बनेका बैंकहरु सँग प्रतिस्पर्धा गर्नु धेरै नै चुनौतीपुर्ण हुन्छ ।

बैंकले विगत १३ वर्षको अवधिमा वितरण गरेको लाभांश इतिहास

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?