एनएलजी इन्स्योरेन्सको नाफा घट्दा ईपीएस पनि घट्यो

काठमाडौं । एनएलजी इन्सुरेन्स लिमिटेडले चालु आर्थिक वर्षको तेस्रो त्रैमाससम्म १२ करोड ३३ लाख रुपैयाँ खुद नाफा कमाएको छ।

यो अघिल्लो वर्षको सोही अवधिमा कमाएको १३ करोड ६७ लाख रुपैयाँभन्दा ९.७८ प्रतिशतले कम हो।

यद्यपि कम्पनीको खुद बीमा शुल्क आम्दानी ३१.६६ प्रतिशतले बढेर ६६ करोड ५८ लाख रुपैयाँ पुगेको छ। त्यस्तै, कमिसन आम्दानी पनि १७.४४ प्रतिशतले वृद्धि भएर २३ करोड ४ लाख रुपैयाँ पुगेको छ।

तर, लगानी तथा कर्जाबाट हुने आम्दानीमा २३.३० प्रतिशत गिरावट आउनु र बीमा दाबी भुक्तानी ३५.५३ प्रतिशतले बढ्नुले कुल नाफा घटाएको देखिन्छ।

कम्पनीको चुक्ता पुँजी ६२.५६ प्रतिशतले वृद्धि भई २ अर्ब ५० करोड रुपैयाँ नाघेको छ। तर नाफा घटेकै कारण प्रति सेयर आम्दानी (ईपीएस) ५.९२ रुपैयाँले घटेर ६.५७ रुपैयाँमा झरेको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना