छ्याङ्दी हाइड्रोपावरको शतप्रतिशत हकप्रद सेयरमा आवेदन दिने म्याद असार १२ गतेसम्म

काठमाडौं, असार ३।  छ्याङ्दी हाइड्रोपावर लिमिटेडले जेठ २३ गतेदेखि बिक्री खुला गरेको शतप्रतिशत हकप्रद सेयरमा आवेदन दिने अन्तिम म्याद आउँदो असार १२ गतेसम्म रहेको छ।

कम्पनीले १ः१ अनुपातमा ३८ लाख ६९ हजार ७७५ कित्ता हकप्रद सेयर निष्कासन गरिरहेको छ। सो सेयरको अंकित मूल्य प्रतिकित्ता रु. १०० तोकिएको छ, जसअनुसार कुल ३८ करोड ६९ लाख ७७ हजार ५ सय रुपैयाँ बराबरको हकप्रद सेयर जारी गरिएको हो।

यस हकप्रद सेयरको बिक्री प्रबन्धकको जिम्मेवारी ग्लोबल आइएमई क्यापिटल लिमिटेडले लिएको छ। इच्छुक शेयरधनीहरूले ग्लोबल आइएमई क्यापिटलको कार्यालय, नक्साल काठमाडौं, तथा ग्लोबल आइएमई बैंकका तोकिएका शाखा कार्यालयहरूबाट आवेदन दिन सक्नेछन्।

त्यस्तै, नेपाल धितोपत्र बोर्डबाट स्वीकृति प्राप्त बैंक तथा वित्तीय संस्थाहरूबाट आस्वा सेवा र मेरो सेयर पोर्टलमार्फत पनि आवेदन दिन सकिनेछ।

हाल छ्याङ्दी हाइड्रोपावरको चुक्ता पूँजी ३८ करोड ६९ लाख ७७ हजार ५०० रुपैयाँ रहेको छ। हकप्रद सेयर निष्कासनपश्चात कम्पनीको पूँजी ७७ करोड ३९ लाख ५५ हजार रुपैयाँ पुग्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन