मनाङको चीनो खोलामा ७.८३ मेगावाटको जलविद्युत् आयोजना निर्माणका लागि एभरेष्ट बैंकद्वारा १.३६ अर्ब रुपैयाँ ऋण सहमति

BFIS News
2025 Jun Wed 20:03

मनाङको चीनो खोलामा ७.८३ मेगावाटको जलविद्युत् आयोजना निर्माणका लागि एभरेष्ट बैंकद्वारा १.३६ अर्ब रुपैयाँ ऋण सहमति

काठमाडौं। एभरेष्ट बैंक लिमिटेड र चीनो हाइड्रोपावर लिमिटेडबीच मनाङको नासोँ गाउँपालिकास्थित चीनो खोलामा निर्माण हुन लागेको ७.८३ मेगावाट क्षमताको जलविद्युत् आयोजना निर्माणका लागि १ अर्ब ३६ करोड रुपैयाँ बराबरको ऋण सम्झौता सम्पन्न भएको छ।

सम्झौतामा एभरेष्ट बैंकका प्रमुख कार्यकारी अधिकृत सुदेश खालिङ र चीनो हाइड्रोपावरका अध्यक्ष विजय बहादुर श्रेष्ठले हस्ताक्षर गरेका हुन्।

उक्त आयोजना बुटवल पावर कम्पनीले प्रवर्द्धन गरेको हो। आयोजना चिनियाँ ठेकेदार कम्पनीमार्फत EPC (इन्जिनियरिङ, खरिद र निर्माण) मोडलमा निर्माण हुनेछ, र दुई वर्षभित्र सम्पन्न गरिने लक्ष्य राखिएको छ।

उत्पादन हुने विद्युत् मनाङको धारापानी सबस्टेसनमार्फत राष्ट्रिय प्रसारण लाइनमा जोडिनेछ। आयोजनाका लागि नेपाल विद्युत् प्राधिकरण (NEA) र चीनो हाइड्रोपावरबीच २०८२ सालको वैशाख महिनामा विद्युत् खरिद सम्झौता (PPA) सम्पन्न भइसकेको छ। आयोजना वर्षमा कुल ४४.४६३ गीगावाट-घण्टा विद्युत् उत्पादन गर्ने लक्ष्यका साथ अघि बढाइएको हो।

एभरेष्ट बैंकको परिचय

भारतको पंजाब नेशनल बैंकसँगको साझेदारीमा स्थापना भएको एभरेष्ट बैंक लिमिटेडले हाल देशभर १३२ शाखा, ४ विस्तार काउन्टर, ७ क्षेत्रीय कार्यालय, १६७ एटीएम र ३२ राजस्व संकलन केन्द्रमार्फत सेवा प्रदान गर्दै आएको छ।

बैंकका देशभर करिब १४ लाखभन्दा बढी ग्राहक छन्। यसले मोबाइल बैंकिङ, इन्टरनेट बैंकिङ र एसएमएस बैंकिङ लगायतका अत्याधुनिक डिजिटल सेवा प्रदान गर्दै आएको छ। बैंकको प्रतिनिधि कार्यालय नयाँ दिल्लीलगायत अन्य देशहरूमा समेत रहेको छ।

मुख्य बुँदाहरू: