लाभांश पारित गर्न LIC नेपालले असार ३० गते साधारण सभा बोलायो

काठमाडौं, असार ५।  लाइफ इन्स्योरेन्स कर्पोरेशन (नेपाल) लिमिटेड (LICN) ले गत आर्थिक वर्षको मुनाफाबाट प्रस्ताव गरिएको लाभांश पारित गर्न २३औँ वार्षिक साधारण सभा बोलाएको छ।

कम्पनीले आगामी असार ३० गते ललितपुरस्थित नेपाल प्रशासनिक प्रशिक्षण प्रतिष्ठान, जावलाखेलमा साधारण सभा आयोजना गर्नेछ। सभा बिहान १० बजेबाट सुरु हुनेछ।

सभामा हालको चुक्ता पूँजीको १० प्रतिशतका दरले बोनस शेयर वितरण र त्यसबाट लाग्ने कर प्रयोजनका लागि ०.५२६३ प्रतिशत नगद लाभांश वितरणको प्रस्ताव पारित गरिनेछ।

त्यसका साथै, सभामा कम्पनीको प्रबन्धपत्र तथा नियमावली संशोधन गर्न सञ्चालक समितिलाई अधिकार दिने, सर्वसाधारण समूहबाट एक जना सञ्चालक निर्वाचित गर्ने, संस्थापक समूहबाट नियुक्त सञ्चालकको अनुमोदन गर्ने, र नयाँ लेखापरीक्षक नियुक्त गर्नेजस्ता अन्य प्रस्तावहरू पनि पेश गरिनेछन्।

साधारण सभा तथा लाभांश वितरण प्रयोजनार्थ कम्पनीले असार १६ गते बुकक्लोज गर्ने निर्णय गरेको छ। त्यस अनुसार, असार १५ गतेसम्म नेप्सेमा कारोबार भई कायम रहेका शेयरधनीहरू साधारण सभामा सहभागी हुन तथा प्रस्तावित लाभांश प्राप्त गर्न योग्य हुनेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन