पोखरा फाइनान्स र समृद्धि फाइनान्स मर्ज हुँदै, एकीकृत कारोबार पोखरा फाइनान्सको नाममा

पोखरा, साउन ४।   पोखरा फाइनान्स लिमिटेड (PFL) र समृद्धि फाइनान्स लिमिटेड एकआपसमा मर्ज हुने भएका छन्।

मर्जरसम्बन्धी औपचारिक सम्झौतापत्रमा आज बिहान साढे ८ बजे पोखरास्थित होटल ल्याण्डमार्क लेकसाइडमा दुवै कम्पनीका प्रतिनिधिहरूले हस्ताक्षर गरेका छन्।

मर्जरपछि दुबै संस्थाले 'पोखरा फाइनान्स लिमिटेड' नाममै एकीकृत कारोबार गर्नेछन्। सम्झौता अनुसार, मर्जरको लागि १ बराबर १ को शेयर स्वाप अनुपात (Share Swap Ratio) लागू गरिनेछ, जसअनुसार दुबै कम्पनीका शेयरधनीहरूले समान अनुपातमा शेयर पाउनेछन्।

मर्जर सम्पन्न भएपछि एकीकृत कम्पनीको केन्द्रिय कार्यालय काठमाडौँमा रहने जानकारी गराइएको छ। मर्जर प्रक्रिया नियामक निकायहरूबाट स्वीकृति लिएपछि औपचारिक रूपमा सम्पन्न हुनेछ।

दुवै कम्पनीहरू मर्ज भई बलियो वित्तीय संरचना निर्माण गर्दै प्रतिस्पर्धी क्षमतामा सुधार ल्याउने उद्देश्यले अगाडि बढेको जनाइएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा