जेनजी आन्दोलन हिंसात्मक, दुई जनाको मृत्यु, कर्फ्यू जारी

काठमाडौं, भदौ २३।  सामाजिक सञ्जाल बन्द र शासकीय अव्यवस्थाविरुद्ध सुरु गरिएको ‘जेनजी’ युवाहरूको आन्दोलन हिंसात्मक बन्दै गएको छ। अहिलेसम्म कम्तीमा दुई जनाको ज्यान गइसकेको छ।

प्रहरीको गोली लागेर घाइते भएका एक व्यक्तिको राजधानीको निजामती अस्पतालमा उपचारका क्रममा मृत्यु भएको हो। सो अस्पतालमा हाल करिब एक सयभन्दा बढी घाइतेको उपचार भइरहेको छ भने वीर अस्पतालको ट्रमा सेन्टरमा करिब ३० जना घाइते उपचाररत छन्। केहीको अवस्था गम्भीर रहेको चिकित्सकहरूले जनाएका छन्।

प्रहरीको गोलीप्रयोग र बलपूर्वक नियन्त्रण प्रयासपछि आन्दोलन उग्र बन्दै गएका प्रदर्शनकारीहरूले नयाँबानेश्वर क्षेत्रमा प्रतिरोध चर्काएका छन्। प्रहरीले अन्धाधुन्ध अश्रुग्यास प्रहार गरेपछि सो क्षेत्र तनावग्रस्त बनेको छ।

स्थिति नियन्त्रणबाहिर गएपछि जिल्ला प्रशासन कार्यालय काठमाडौंले मध्यान्ह १२ बजेदेखि राति १० बजेसम्म बानेश्वर, सिंहदरबार र राष्ट्रपति निवास आसपासका क्षेत्रमा कर्फ्यू आदेश जारी गरेको छ। तर कर्फ्यू आदेशको अवज्ञा गर्दै आन्दोलकारीहरू अझै पनि प्रदर्शन जारी राखेका छन्। त्यसपछि प्रहरीले बल प्रयोगमार्फत प्रदर्शनलाई नियन्त्रणमा लिन खोजेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन