दशैं–तिहारमा अपराध बढ्ने आशंका, अझै ९ हजार कैदीबन्दी फरार

काठमाडौं । हालैको जेनजी आन्दोलनका क्रममा देशभरका विभिन्न कारागारबाट भागेका कैदीबन्दीमध्ये करिब ९ हजार अझै फरार रहेका छन् ।

गत भदौ २४ गते नक्खु कारागारबाट निस्किएका राष्ट्रिय स्वतन्त्र पार्टीका सभापति रवि लामिछानेसहित झन्डै ५८ सय कैदीबन्दी फर्किए पनि ठूलो संख्यामा कैदीबन्दी फरार रहेकाले सुरक्षाप्रति गम्भीर प्रश्न उठेको सुरक्षा विशेषज्ञहरूले बताएका छन् ।

फरारमध्ये कतिपय जघन्य अपराधमा संलग्न रहेकाले चाडपर्व दशैं र तिहारमा चोरी, लुटपाट लगायतका आपराधिक गतिविधि बढ्न सक्ने प्रहरीको अनुमान छ ।

कारागार व्यवस्थापन विभागले केही दिनअघि सार्वजनिक सूचना जारी गर्दै फरार कैदीबन्दी तथा बालबिज्ञयीहरूलाई तत्काल सम्बन्धित कारागार, बालसुधार गृह वा नजिकको प्रहरी कार्यालयमा हाजिर हुन आग्रह गरेको थियो । अन्यथा कारागार ऐन, २०७९ र प्रचलित कानुनअनुसार कारबाही हुने चेतावनीसमेत दिएको छ ।

यसबीच, प्रहरीले विशेष टोली गठन गरी फरार कैदीबन्दीलाई पक्राउ गर्ने अभियान थालेको जनाएको छ । तर अझै ठूलो संख्यामा कैदीबन्दी फरार रहनु सुरक्षाको दृष्टिले गम्भीर चुनौती रहेको विज्ञहरूको आकलन छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन