![$adHeader[0]['title']](https://bfisnews.com/images/bigyapan/1759825227_1100x100.gif)
दशैंको अवसरमा मनकामना केबलकार तीन दिन बन्द हुने: नवमी, विजया दशमी र एकादशीमा नचलाउने
- BFIS News
- 2025 Sep 28 18:49
काठमाडौं। दशैंको अवसरमा मनकामना केबलकार सेवा केही दिनका लागि अस्थायी रूपमा बन्द हुने भएको छ। मनकामना केबलकार प्रा.लि.ले एक सूचना जारी गर्दै असोज १५ गते (अक्टोबर १) महानवमी, असोज १६ गते (अक्टोबर २) विजया दशमी तथा असोज १७ गते (अक्टोबर ३) एकादशीका दिन केबलकार सेवा बन्द रहने जानकारी गराएको हो।
कम्पनीले ती दिनहरूमा सेवा बन्द रहने हुँदा सेवाग्राहीहरूलाई पर्न सक्ने असुविधाप्रति क्षमायाचना गर्दै नियमित सेवा असोज १८ गते (अक्टोबर ४) शनिबारदेखि पुनः सुचारु हुने जनाएको छ।
मनकामना केबलकार प्रा.लि.ले यात्रुहरूलाई अझ सहज, सुरक्षित र व्यवस्थित सेवा प्रदान गर्ने प्रतिबद्धता दोहोर्याएको छ।
यसै सन्दर्भमा, कम्पनीले सम्पूर्ण सेवाग्राही, व्यवसायिक साझेदार तथा शुभेच्छुकहरूलाई विजयादशमी तथा बडादशैंको पावन अवसरमा सुख, शान्ति, स्वास्थ्य र समृद्धिका लागि हार्दिक मंगलकामना व्यक्त गरेको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया