लगानीकर्ताले साउन एक महिनामै लिए ७ अर्ब ६४ करोडको शेयर धितोकर्जा, नविल सर्वाधिक आक्रामक हुँदा कसको कति?

काठमाडौं । साउन एक महिनामै लगानीकर्ताहरुले शेयरधितोमा राखेर ७ अर्ब ६४ करोड रुपैयाँ कर्जा लिएका छन् । यस वर्षको साउनमा शेयर बजारमा लगातार गिरावट आउदा शेयर धितो कर्जा प्रवाहमा भने ४.९३ प्रतिशलते गिरावट आएको छ । २०७९ साउनमा शेयर धितो कर्जा प्रवाह ७ अर्ब ६५ करोड थियो । अझ २०७८ मा ८ अर्ब ५ करोड थियो भने २०७७ मा सर्वाधिक धेरै १० अर्ब ६२ करोड थियो । यो समयमा शेयर बजार बुलिस ट्रेण्डमा थियो ।

चालु आर्थिक वर्षको सुरुवातदेखि नै बैंकहरुले शेयर धितो कर्जाका लागि विभिन्न स्किम नै ल्याउदै आएका छन् अन्य क्षेत्रमा खासै राम्रो कर्जा प्रवाह नभएका कारणले गर्दा पनि बैंकहरु शेयरधितो कर्जामा केन्द्रित भएका हुन् ।

साउनमा सबैभन्दा धेरै नविलले ९६ करोड ८३ लाख रुपैयाँ शेयरधितो कर्जा प्रवाह गरेको छ । दोस्रो नम्बरमा रहेको ग्लोबल आइएमई बैंकले ६२ करोड ८९ लाख रुपैयाँ प्रवाह गरेको छ । तेस्रो स्थानमा रहेको तेस्रो स्थानमा रहेको नेपाल बैंकले ४० करोड ९७ लाख त्यस्तै राष्ट्रिय बाणिज्य बैंकले ४० करोड ८९ लाख रुपैयाँ प्रवाह गरेका छन् ।

अन्य क्षेत्रमा कर्जाको माग खासै नहुँदा बैंक वित्तीय संस्थाहरु शेयरधितो कर्जामा केन्द्रित हुन थालेका छन् । बैंकहरुले स्किम नै निकालेर लगानीकर्ताहरुलाई न्युनतम व्याजदरका लागि प्रोत्साहित गरिरहेका छन् । बैंकहरुले सार्वजनिक गरेको तथ्याङ्क अनुसार सबैभन्दा कम शेयरधितो कर्जा नविल बैंकको छ । नविल बैंकले न्युनतम ९.५२ प्रतिशतदेखि अधिकतम १४.५२ प्रतिशतसम्म लिने गरेको छ । 

त्यस्तै एभरेष्ट बैंकले न्युनतम ९.६१ प्रतिशतदेखि १४.११ प्रतिशत, नेपाल इन्भेष्टमेन्ट मेगा बैंकले ९.६७ प्रतिशतदेखि १४.६७ प्रतिशत, सिद्धार्थ बैंकले ९.९० प्रतिशतदेखि १४.९० प्रतिशत, ग्लोबल आइएमई १०.०७ प्रतिशतदेखि १५.०७ प्रतिशत, सानिमा र प्रभु बैंकको १०.१५ प्रतिशतदेखि १५.१५ प्रतिशत, कृषि विकास बैंकको १०.२२ प्रतिशतदेखि १२.२२ प्रतिशत, एनएमबी बैंकको १०.३० प्रतिशतदेखि १५.३० प्रतिशत रहेको छ ।  

सरकारी स्वामित्वका  तीन बाणिज्य बैंकको ब्याजदर 

सरकारी स्वामित्वमा रहेको कृषि विकास बैंकले न्युनतम १० दशमलव २२ प्रतिशत ब्याजदरदेखि अधिकतम १२ दशमलव २२ प्रतिशत ब्याजदरमा यस्तो कर्जा उपलब्ध गराउदै आएको छ ।

राष्ट्रिय वाणिज्य बैंकले न्युनतम ११ दशमलव ४५ प्रतिशतदेखि अधिकतम ११ दशमलव ७० प्रतिशत ब्याजदरमा शेयरधितो कर्जा दिइरहेको छ । नेपाल बैंकले न्युनतम १२ दशमलव ०५ प्रतिशत ब्याजदरदेखि अधिकतम १४ दशमलव ५५ प्रतिशतसम्म यस्तो कर्जा प्रदान गर्दै आइरहेको छ । 

लगानीकर्ताले आफु सँग भएको शेयर धितोमा राखेर सहजै कर्जा लिन सक्छन् । आफु सँग भएको शेयर धितोमा राखेर पुनः शेयर बजारमै लगानी गर्ने ट्रेण्डका कारण लगानीकर्ताका लागि यसले विशेष आकर्षित गर्दछ । त्यसैले घट्दो व्याजदर शेयर बजारका लगानीकर्ताका लागि सबै भन्दा उत्तम मानिन्छ । यस्तो कर्जाको नीतिगत व्यवस्थालाई नेपाल राष्ट्र बैंकले समय सापेक्ष संशोधन गर्ने गरेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?