शाइन रेसुङ्गा डेभलपमेन्ट बैंकको लाभांश पारित गर्न साधारण सभा मंसिर २६ गते

काठमाडौं। शाइन रेसुङ्गा डेभलपमेन्ट बैंक लिमिटेड (SHINE) ले गत आर्थिक वर्षको मुनाफाबाट प्रस्तावित लाभांश पारित गर्न आफ्नो सत्रौँ वार्षिक साधारण सभा डाकेको छ। बैंकले उक्त सभा मंसिर २६ गते, शुक्रबार, बुटवल स्थित होटल सेफ्रन सि.के. प्रा.लि., रुपन्देहीमा आयोजना गर्ने जनाएको छ। साधारण सभा अपरान्ह १२:३० बजेबाट सुरु हुने कार्यसूची छ।

बैंकले प्रस्ताव गरेको लाभांशमा हाल कायम चुक्ता पूँजीको ३ प्रतिशत बोनस शेयर तथा सो बोनसमा लाग्ने करसहित १० प्रतिशत नगद लाभांश समावेश गरिएको छ। साधारण सभाले यी प्रस्तावहरू अनुमोदन गर्ने अपेक्षा गरिएको छ।

त्यसैगरी, सभाबाट अन्य बैंक तथा वित्तीय संस्थासँग मर्जर वा एक्विजिशन सम्बन्धी प्रक्रिया अघि बढाउन सञ्चालक समितिलाई अधिकार प्रदान गर्ने, प्रबन्धपत्र तथा नियमावली संशोधन गर्ने तथा नयाँ लेखापरीक्षक नियुक्त गर्नेजस्ता अन्य महत्वपूर्ण प्रस्तावहरू समेत पारित गरिनेछ।

साधारण सभा तथा लाभांश वितरणका लागि बैंकले मंसिर १२ गते बुकक्लोज गर्ने निर्णय गरेको छ। यसअनुसार, मंसिर ११ गतेसम्म नेप्सेमा कारोबार भई नाम दर्ता भएका शेयरधनीहरु साधारण सभामा सहभागी भई लाभांश प्राप्त गर्न योग्य हुनेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?