सभामुख डीपी अर्याल र यूएनडीपी प्रतिनिधिबीच शिष्टाचार भेट

काठमाडौँ, चैत ३० गते । सभामुख डोल प्रसाद (डीपी) अर्यालसँग संयुक्त राष्ट्रसंघीय विकास कार्यक्रम (यूएनडीपी) की आवासीय प्रतिनिधि क्योको योकोसुकाले शिष्टाचार भेट गर्नुभएको छ । भेट सभामुखको कार्यकक्षमा सम्पन्न भएको हो ।

भेटका क्रममा सभामुख अर्यालले डिजिटलाइजेशन तथा ई-पार्लियामेन्ट निर्माणप्रति विशेष चासो व्यक्त गर्दै संसदलाई पेपरलेस प्रणालीतर्फ अघि बढाउने तयारी भइरहेको जानकारी दिनुभयो । उहाँले समझदारीपत्रको अध्ययनपछि सहकार्यको मोडालिटीबारे थप छलफल गरिने उल्लेख गर्नुभयो ।

यूएनडीपीकी आवासीय प्रतिनिधि योकोसुकाले संसदहरूको क्षमता विकास, महिला सशक्तीकरण तथा सीमान्तकृत समुदायको उत्थानका क्षेत्रमा सहकार्य विस्तार गर्ने इच्छा व्यक्त गर्नुभयो । उहाँले डिजिटल संसद निर्माण, समितिहरूसँग सहकार्य तथा अनुभव आदानप्रदान कार्यक्रममार्फत सहयोग गर्न संस्था तयार रहेको जानकारी दिनुभयो ।

सभामुख अर्यालले महिला सांसदहरूको क्षमता विकासका लागि सहकार्य आवश्यक रहेको बताउँदै उपयुक्त मोडालिटी तय गर्नुपर्नेमा जोड दिनुभयो ।

भेटमा संघीय संसद सचिवालयका सचिव डा. रोजनाथ पाण्डे लगायतका अधिकारी तथा यूएनडीपीका प्रतिनिधिहरूको सहभागिता रहेको थियो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन