![$adHeader[0]['title']](https://bfisnews.com/images/bigyapan/1776181672_1100 x100.gif)
एनएमबि क्यापिटलको रेटिङ्गमा स्तरन्नोति, १० अर्बको खुलामुखी म्युचुअल फण्डलाई स्वीकृति प्राप्त
- BFIS News
- 2026 Apr 14 15:10
काठमाडौं। ईका नेपाल लिमिटेडले एनएमबि क्यापिटल लिमिटेडको Fund Management Quality Rating (FMQR) रेटिङ्ग [ICRANP] AMC 2+ मा स्तर वृद्धि वा अपग्रेड गरेको छ । यो मूल्याङ्कनले कोष व्यवस्थापनको गुणस्तरमा उच्च विश्वसनीयता रहेको स्थितिलाई जनाउदैछ । यस सँगै एनएमबि क्यापिटल यस क्षेत्रमा सबैभन्दा उच्च रेटिङ्ग प्राप्त गर्ने कम्पनी बनेको छ ।
कोष प्रवर्द्धक एनएमबि बैंक लिमिटेड र योजना व्यवस्थापक एनएमबि क्यापिटलको एनएमबि म्युचुअल फण्ड अन्तर्गत हाल तीन बन्दमुखी र एक खुलामुखी योजना संचालनमा रहेको छन् । एनएमबि ५० को २०८२ फाल्गुन ३० गतेको खूद सम्पत्ति रु १.३६ अर्ब कायम रही खूद सम्पत्ति मुल्य (एनएभि) १० रुपैयाँ ८६ पैसा रहेको छ।
एनएमबि सुलभ इन्भेष्टमेन्ट फण्ड -२ को २०८२ फाल्गुन ३० गतेको खुद सम्पत्ति रु १.४९ अर्ब कायम रही खूद सम्पत्ति मुल्य (एनएभि) १२ रुपैयाँ २० पैसा रहेको छ । एनएमबि हाइब्रिड फण्ड एल-२ को २०८२ फाल्गुन ३० गतेको खूद सम्पत्ति रु १.४७ अर्ब कायम रही खुद सम्पत्ति मुल्य (एनएभि) १० रुपैयाँ ७५ पैसा रहेको छ ।
"एनएमबि सरल बचत फण्ड इ" नामल खुलामुखी योजनाको २०८२ फाल्गुन ३० गतेको खुद सम्पत्ति रु ४.७३ अर्ब कायम रही खूद सम्पत्ति मुल्य (एनएभि) ११ रुपैयाँ ०१ पैसा रहेको छ। यस योजनाको Systematic Investment Plan (SIP) अन्तर्गत हाल ५५,००० भन्दा बढि लगानीकर्ताहरुको सहभागिता रहेको छ र यो संख्या क्रमिक रुपमा वृद्धि भइरहेको छ । योजनाको आकार २०८२ चैत्र २६ गते रु ४.९४ अर्ब पुग्न सफल भएको छ।
साथै यस योजनाको आकार रु १० अर्ब कायम गर्न धितोपत्र बोर्डबाट मिति २०८२/१२/०८ मा स्वीकृति प्राप्त गरेको छ। योजनाको आकार वृद्धि नेपाल धितोपत्र बोर्डको मिति २०८२/१०/०२ मा बीज पूँजी सम्बन्धमा जारी गरिएको परिपत्र बमोजिम रहेको छ । SIP मा बढदो आकर्षण र हालै आकार वृद्धिकालागि प्राप्त स्वीकृतिले यस योजनाको पहुँज र प्रभावलाई उल्लेखनीय रुपमा विस्तार गर्न मद्दत पुग्ने देखिन्छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया