प्रभु महालक्ष्मी लाइफका सीईओ सन्तोष प्रसाईलाई ‘एसियन प्रोफेसनल एचिभमेन्ट अवार्ड २०२६’

काठमाडौं । प्रभु महालक्ष्मी लाइफ इन्स्योरेन्स लिमिटेडका प्रमुख कार्यकारी अधिकृत (सीईओ) सन्तोष प्रसाई ‘एसियन प्रोफेसनल एचिभमेन्ट अवार्ड २०२६’ प्राप्त गरेका छन्। आयोजकले यो अवार्ड आगामी सेप्टेम्बर ५ (भदौ २० गते) एक विशेष समारोहका साथ सिइओ प्रसाईलाई प्रदान गर्नेछ। व्यावसायिक नेतृत्व, संस्थागत विकास तथा बीमा क्षेत्रमा पुर्‍याएको योगदानको कदर गर्दै उनलाई उक्त सम्मान प्रदान गर्न लागिएको हो।

एसियन प्रोफेसनल एचिभमेन्ट अवार्ड विभिन्न पेशा, व्यवसाय तथा सामाजिक क्षेत्रमा उल्लेखनीय योगदान पुर्‍याउने विशिष्ट व्यक्ति तथा संस्थालाई सम्मान गर्ने उद्देश्यले आयोजना हुँदै आएको छ। उत्कृष्ट कार्यसम्पादन, नेतृत्व क्षमता, नवप्रवर्तन, व्यावसायिक उपलब्धि तथा समाजप्रतिको योगदानलाई मूल्यांकन गर्दै प्रदान गरिने यस सम्मानले सम्बन्धित क्षेत्रका सफल व्यक्तित्वको योगदानलाई सार्वजनिक रूपमा पहिचान गर्ने उद्देश्य राखेको छ।

यस वर्ष अवार्डको सातौँ संस्करण आयोजना हुँदैछ। सिजन मिडिया नेपालको १८ औँ वार्षिकोत्सवको अवसरमा आगामी सेप्टेम्बर ५, २०२६ मा काठमाडौंमा अवार्ड समारोह आयोजना गर्ने तयारी गरिएको आयोजकले जनाएको छ।

समारोहमा नेपालसहित एसियाका विभिन्न मुलुकका उद्यमी, व्यवसायी, पेशाकर्मी तथा विभिन्न क्षेत्रका विशिष्ट व्यक्तित्वलाई सम्मान गरिनेछ। व्यवसाय, शिक्षा, स्वास्थ्य, सञ्चार, पर्यटन, संस्कृति, सामाजिक सेवा तथा अन्य व्यावसायिक क्षेत्रमा दीर्घकालीन योगदान पुर्‍याएका व्यक्तित्वलाई सम्मान गर्ने कार्यक्रमको तयारी गरिएको छ।

सिजन मिडियाकी कार्यक्रम निर्देशक रेजिना तुलाधरका अनुसार आफ्नो क्षेत्रमा एक दशकभन्दा बढी समय समर्पित रही व्यावसायिक तथा सामाजिक योगदान गरेका राष्ट्रिय तथा अन्तर्राष्ट्रिय व्यक्तित्वलाई सम्मान गर्ने उद्देश्यले अवार्ड आयोजना हुँदै आएको छ। उनका अनुसार यस्तो सम्मानले स्थापित पेशाकर्मीको उपलब्धिलाई कदर गर्नुका साथै नयाँ पुस्तालाई उत्कृष्टता, नवप्रवर्तन र सामाजिक उत्तरदायित्वतर्फ प्रेरित गर्ने अपेक्षा गरिएको छ।

यस वर्षको समारोहमा भारत, पाकिस्तान, बंगलादेश, भुटान, श्रीलंका, नेपाल, चीन, जापान, दक्षिण कोरिया, थाइल्यान्ड, म्यानमार, मलेसिया, इन्डोनेसिया, कम्बोडियालगायत एसियाली मुलुकबाट प्रतिनिधि, सम्मानित व्यक्तित्व तथा अतिथिको सहभागिता रहने अपेक्षा गरिएको छ। यसले अवार्डलाई व्यावसायिक उपलब्धिको सम्मानसँगै क्षेत्रीय नेटवर्किङ, सहकार्य र अनुभव आदानप्रदानको अन्तर्राष्ट्रिय मञ्चका रूपमा समेत विकास गर्ने आयोजकको अपेक्षा छ।

बीमा क्षेत्रमा प्रसाईको नेतृत्व

सन्तोष प्रसाई प्रभु महालक्ष्मी लाइफ इन्स्योरेन्स लिमिटेडका प्रमुख कार्यकारी अधिकृत हुन्। बीमा क्षेत्रमा नेतृत्वदायी भूमिकामा रहेका उनले कम्पनीको व्यावसायिक सञ्चालन, रणनीतिक विकास तथा संस्थागत गतिविधिलाई नेतृत्व गर्दै आएका छन्।

प्रभु महालक्ष्मी लाइफले जीवन बीमामार्फत व्यक्ति तथा परिवारको आर्थिक सुरक्षा सुनिश्चित गर्नुका साथै दीर्घकालीन वित्तीय योजना निर्माणमा योगदान पुर्‍याउँदै आएको छ। कम्पनीको व्यावसायिक विस्तार, बीमा सेवाको पहुँच वृद्धि तथा ग्राहककेन्द्रित गतिविधिमा नेतृत्व तहको भूमिका महत्वपूर्ण रहँदै आएको छ।

सीईओका रूपमा प्रसाईको नेतृत्वमा कम्पनीले व्यावसायिक गतिविधि, सेवा विस्तार तथा संस्थागत विकासलाई अघि बढाउँदै आएको छ। उनको नेतृत्व, व्यावसायिक समर्पण र संस्थागत प्रतिबद्धताको कदरस्वरूप प्रदान गरिन लागेको अवार्डले व्यक्तिगत उपलब्धिसँगै नेपाली बीमा क्षेत्रको व्यावसायिक नेतृत्वलाई समेत उजागर गर्ने अपेक्षा गरिएको छ।

सिजन मिडियाले नेपालमा सात वर्षदेखि एसियन प्रोफेसनल एचिभमेन्ट अवार्ड आयोजना गर्दै आएको जनाएको छ। यस क्रममा विभिन्न क्षेत्रका राष्ट्रिय तथा अन्तर्राष्ट्रिय व्यक्तित्व र संस्थालाई सम्मान गरिँदै आएको छ। आगामी दिनमा अस्ट्रेलिया र क्यानडामा समेत यस्तै अवार्ड समारोह आयोजना गरी त्यहाँ रहेका नेपाली डायस्पोरा तथा एसियाली उद्यमी र पेशाकर्मीलाई सम्मान गर्ने योजना आयोजकले सार्वजनिक गरेको छ।

अवार्डको निरन्तरताले व्यावसायिक उत्कृष्टता, नेतृत्व क्षमता र सामाजिक योगदानलाई प्रोत्साहन गर्नुका साथै नेपाली तथा एसियाली पेशाकर्मीको योगदानलाई अन्तर्राष्ट्रिय स्तरमा प्रस्तुत गर्ने अवसर सिर्जना गर्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना