जानकी नवमीको अवसरमा जनकपुरधाममा नौदिने धार्मिक महोत्सव सुरु

जनकपुरधाम, वैशाख ६ गते । जनकपुरधाम मा जानकी नवमीको अवसरमा धार्मिक आस्था, सांस्कृतिक संरक्षण तथा पर्यटन प्रवद्र्धनलाई लक्षित गर्दै नौदिने धार्मिक महा–महोत्सव आयोजना गरिएको छ ।

अन्तर्राष्ट्रिय कृष्णभावनामृत संघ (ISKCON) जनकपुरधाम मन्दिरले जनकपुत्री माता सीताको जन्मोत्सवको अवसरमा वैशाख ५ गतेदेखि सुरु भएको यो महोत्सव वैशाख १३ गते जगन्नाथ रथ यात्रापछि समापन हुने जनाएको छ ।

महोत्सवअन्तर्गत दूधमति नदी किनारस्थित ईस्कोन मन्दिर परिसरमा श्रीमद्भागवत कथा, जानकीजीको महाअभिषेक, पूजा–अर्चना तथा महाप्रसाद वितरणलगायत धार्मिक गतिविधि सञ्चालन भइरहेको छ ।

ईस्कोन जनकपुरधामका अध्यक्ष रामेश्वरम दास का अनुसार जानकी नवमीको अवसरमा प्रत्येक वर्षझैँ यस वर्ष पनि विशेष कार्यक्रमअन्तर्गत कथा वाचन, कीर्तन, महाअभिषेक तथा जगन्नाथ रथयात्रा आयोजना गरिएको हो । यसले धार्मिक वातावरणसँगै विदेशी पर्यटक आकर्षित हुने अपेक्षा गरिएको छ ।

महोत्सवअन्तर्गत वैशाख ११ गतेसम्म दैनिक दिउँसो २ बजेदेखि साँझ ६ बजेसम्म अनन्त कृष्ण दास गोस्वामी महाराजद्वारा श्रीमद्भागवत कथा वाचन गरिनेछ भने वैशाख १२ गते विशेष दिनका रूपमा कीर्तन, कथा, महाअभिषेक तथा प्रसाद वितरण कार्यक्रम हुने छ ।

यसै अवसरमा ईस्कोन मन्दिरको शिलान्यास पनि गरिने भएको छ । संस्थाका उपाध्यक्ष रमेशकुमार साह का अनुसार मन्दिर निर्माणको प्रारम्भिक चरणमा करिब २५ करोड रुपैयाँ लगानी गरिनेछ भने दीर्घकालीन रूपमा करिब २ अर्ब रुपैयाँको परियोजना अघि बढाइने योजना रहेको छ ।

महोत्सवले जनकपुरधाम को धार्मिक, सांस्कृतिक र पर्यटन प्रवद्र्धनमा महत्वपूर्ण योगदान पुर्‍याउने अपेक्षा गरिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन