रिलायबल समृद्धि योजना २ मा आवेदन दिने म्याद जेठ १२ सम्म थप

काठमाडौं । Reliable Capital Investment and Merchant Capital Limited ले निष्काशन गरेको सामूहिक लगानी कोष ‘रिलायबल समृद्धि योजना २’ मा इकाई खरिदका लागि आवेदन दिने अवधि थप गरिएको छ।

कम्पनीले बैशाख २९ गतेदेखि बिक्री खुला गरेको उक्त योजनामा अब जेठ १२ गतेसम्म आवेदन दिन सकिने जनाएको हो।

क्यापिटलका अनुसार निर्धारित अवधिभित्र मागभन्दा बढी आवेदन परेमा भने तोकिएको समयअघि नै सूचना प्रकाशित गरी निष्काशन बन्द गर्न सकिनेछ।

१० वर्ष अवधिको बन्दमुखी प्रकृतिको यस योजनाअन्तर्गत प्रतिइकाई १० रुपैयाँ दरका कुल १० करोड इकाई निष्काशन गरिएको छ। यसमार्फत एक अर्ब रुपैयाँ बराबरको पूँजी संकलन गर्ने लक्ष्य राखिएको छ। योजना Reliable Mutual Fund अन्तर्गत सञ्चालन हुनेछ।

निष्काशन गरिएको कुल इकाईमध्ये १५ प्रतिशत अर्थात् १ करोड ५० लाख इकाई सुरक्षित गरिएको छ। त्यसमध्ये १ करोड ४० लाख इकाई कोष प्रवर्धक Reliable Nepal Life Insurance Limited लाई तथा १० लाख इकाई योजना व्यवस्थापकका लागि छुट्याइएको छ। बाँकी ८ करोड ५० लाख इकाई सर्वसाधारणका लागि बिक्रीमा राखिएको कम्पनीले जनाएको छ।

लगानीकर्ताले न्यूनतम १०० इकाईदेखि अधिकतम १ करोड इकाईसम्म आवेदन दिन सक्ने व्यवस्था गरिएको छ। आवेदन स्वीकृत प्राप्त सम्पूर्ण आस्बा सदस्य बैंक तथा वित्तीय संस्था तथा तिनका शाखामार्फत दिन सकिनेछ। साथै, Mero Share प्रणाली प्रयोग गरी सि–आस्बामार्फत अनलाइन आवेदनको सुविधा पनि उपलब्ध रहेको छ।

योजनाको धितोपत्र निष्काशन तथा बिक्री प्रबन्धक Reliable Investment and Merchant Capital Limited रहेको छ। क्रेडिट रेटिङ संस्था CARE Ratings Nepal Limited ले कोष प्रवर्धकलाई ‘CARE-NP Single A Minus Issuer Rating’ तथा योजना व्यवस्थापकलाई ‘CARE-NP AMC Quality 4 Plus Rating’ प्रदान गरेको जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन