हेटौँडा सिमेन्ट उद्योग पुनः सञ्चालनबारे सरकार गम्भीर, मन्त्री यादवद्वारा निरीक्षण

काठमाडौँ । उद्योग, वाणिज्य तथा आपूर्तिमन्त्री गौरीकुमारी यादव ले लामो समयदेखि आर्थिक सङ्कटसँग जुध्दै आएको हेटौँडा सिमेन्ट उद्योग को निरीक्षण गरेकी छन् ।

कुनै बेला बन्द हुने र पुनः सञ्चालन हुने अवस्थाबाट गुज्रँदै आएको उक्त सरकारी उद्योगको वास्तविक अवस्था बुझ्न मन्त्री यादवले उद्योग परिसरमै पुगेर व्यवस्थापन तथा कर्मचारीसँग छलफलसमेत गरेकी हुन् ।

छलफलपछि मन्त्री यादवले सरकारी स्वामित्वका उद्योगहरू बन्द हुनु दुःखद भएको भन्दै बन्द रहेका उद्योगहरूलाई पुनः सञ्चालनमा ल्याउने सरकारको तयारी रहेको बताइन् । उनले हेटौँडा सिमेन्ट उद्योगलाई नियमित सञ्चालन गर्न सकिने सम्भावनाबारे सरकारले गम्भीर अध्ययन गरिरहेको उल्लेख गरिन् ।

उनका अनुसार निजी क्षेत्रका सिमेन्ट उद्योग सञ्चालनमा रहँदा सरकारी उद्योग बन्द हुनु स्वीकार्य विषय होइन । उद्योगको समस्या समाधान गरी छिट्टै नियमित सञ्चालनको वातावरण बनाइने उनले प्रतिबद्धता जनाइन् ।

यसैबीच उद्योगका निमित्त महाप्रबन्धक शिवनारायण साहले पुराना र जीर्ण मेसिनरीका कारण उत्पादनमा अवरोध हुँदै आएको जानकारी दिए । उनले कच्चा पदार्थ आपूर्तिमा समस्या, विद्युत् महसुल तथा अन्य बक्यौता तिर्न नसकिएको र कर्मचारीहरूको तलबसमेत करिब ११ महिनादेखि रोकिएको बताए ।

उनका अनुसार उद्योग हाल सीमित उत्पादनमै सञ्चालन हुँदै आएको छ र तत्काल आर्थिक समस्या समाधान गर्न सकिए पुनः नियमित सञ्चालन सम्भव हुने देखिन्छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा