बाजुरा–हुम्ला सीमा विवाद अध्ययन गर्न उच्चस्तरीय समिति गठन

काठमाडौं । सरकारले बाजुरा र हुम्ला जिल्लाबीच देखिएको सीमा विवादको प्राविधिक अध्ययन गरी प्रतिवेदन पेस गर्न उच्चस्तरीय समिति गठन गरेको छ ।

प्रतिभा रावल को अध्यक्षतामा आइतबार सिंहदरबारमा बसेको बैठकले नापी विभाग का उपमहानिर्देशक सुशील डंगोलको संयोजकत्वमा समिति गठन गर्ने निर्णय गरेको हो ।

समितिमा प्रधानमन्त्री तथा मन्त्रिपरिषद्को कार्यालय, गृह मन्त्रालय, कानुन, न्याय तथा संसदीय मामिला मन्त्रालय, भूमि व्यवस्था मन्त्रालय तथा कर्णाली र सुदूरपश्चिम प्रदेशका मुख्यमन्त्री तथा मन्त्रिपरिषद्को कार्यालयबाट एक–एक प्रतिनिधि सदस्य रहने व्यवस्था गरिएको छ । साथै नापी विभागका निर्देशकलाई सदस्य सचिवको जिम्मेवारी दिइएको छ ।

बैठकमा भूमि मन्त्रालयका सचिव मदन भुजेल, काठमाडौं महानगरपालिकाका प्रमुख बालेन्द्र शाह का प्रेस तथा अनुसन्धान विज्ञ दीपा दाहाल, गृह मन्त्रालयका सहसचिव आनन्द काफ्ले, भूमि मन्त्रालयका सहसचिव प्रकाश दाहाल, नापी विभागका महानिर्देशक प्रकाश जोशी लगायतको सहभागिता रहेको थियो ।

बैठकले बाजुरा र हुम्लाबीचको सीमा विवादलाई प्राविधिक रूपमा अध्ययन गरी तथ्यगत प्रतिवेदन तयार पार्ने निष्कर्ष निकालेको छ

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन