तेस्रो पक्ष बीमा रकम दोब्बर, निर्जीवन बीमा व्यवसाय बढ्ने अपेक्षा

काठमाडौं, जेठ १८ — सरकारले आगामी आर्थिक वर्षदेखि सवारी साधनको तेस्रो पक्ष बीमाको अधिकतम दाबी रकम ५ लाख रुपैयाँबाट बढाएर १० लाख रुपैयाँ कायम गरेपछि निर्जीवन बीमा कम्पनीहरूको व्यवसाय विस्तार हुने अपेक्षा गरिएको छ।

अर्थमन्त्री डा. स्वर्णिम वाग्लेले बजेटमार्फत तेस्रो पक्ष बीमाको सीमा वृद्धि गर्ने घोषणा गर्नुभएको हो। बीमा रकम बढेसँगै कम्पनीहरूको जोखिम पनि बढ्ने भएकाले प्रिमियम दरसमेत बढ्न सक्ने अनुमान गरिएको छ। यसले विशेषगरी सार्वजनिक यातायात, ट्रक, बस, माइक्रोबस तथा ट्याक्सी व्यवसायीलाई थप आर्थिक भार पर्ने देखिएको छ।

नेपाल बीमा प्राधिकरणका अनुसार चालु आर्थिक वर्षको वैशाख मसान्तसम्म निर्जीवन बीमा कम्पनीहरूले मोटर बीमाबाट १२ अर्ब ६३ करोड रुपैयाँ बीमाशुल्क आर्जन गरेका छन्। नयाँ व्यवस्थापछि मोटर बीमा क्षेत्रको कारोबार थप विस्तार हुने अपेक्षा गरिएको छ।

नेपाल बीमक संघका अध्यक्ष विरेन्द्र वैदवारले लामो समयदेखि कार्यान्वयन हुन नसकेको विषयमा सरकारले ध्यान दिएको बताउँदै यसको प्रभावबारे यातायात क्षेत्रसँग पनि छलफल आवश्यक रहेको धारणा व्यक्त गर्नुभयो।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा