नेपाल माइक्रो इन्स्योरेन्सको सञ्चालक समितिमा व्यापक फेरबदल, नयाँ अध्यक्षमा नारद लुईटेल नियुक्त

काठमाडौं । नेपाल माइक्रो इन्स्योरेन्स कम्पनी लिमिटेडको सञ्चालक समितिमा व्यापक फेरबदल भएको छ। कम्पनीको सञ्चालक समितिले हालै बसेका दुई बैठकमार्फत अध्यक्षसहित विभिन्न सञ्चालकहरूको राजीनामा स्वीकृत गर्दै नयाँ पदाधिकारी नियुक्त गर्ने निर्णय गरेको हो।

कम्पनीका अनुसार २०८३ जेठ २७ गते साँझ बसेको सञ्चालक समितिको ५३औँ बैठक र २०८३ जेठ २८ गते बिहान बसेको ५४औँ बैठकले संस्थापक शेयरधनी समूहका तर्फबाट अध्यक्ष रहेका आशिष श्रेष्ठले २०८२ चैत १५ गते दिएको अध्यक्ष तथा सञ्चालक पदको राजीनामा स्वीकृत गरेको छ।

त्यसैगरी, संस्थापक शेयरधनी समूहका सञ्चालक सिद्धान्त झुनझुनवालाले २०८३ जेठ २६ गते दिएको राजीनामा पनि स्वीकृत गरिएको कम्पनीले जनाएको छ। संस्थापक समूहकै सञ्चालक लतिका गोल्याणले २०८२ चैत १५ गते पेश गरेको राजीनामा तथा स्वतन्त्र सञ्चालक बद्री सिग्देलले २०८३ जेठ २७ गते दिएको राजीनामा समेत स्वीकृत गरिएको छ।

रिक्त पदहरूमा नयाँ नियुक्तिसमेत गरिएको छ। साधारणसभा नभएसम्मका लागि संस्थापक शेयरधनी समूहको तर्फबाट Centrum Capital Pvt. Ltd. का प्रतिनिधि नारद कुमार लुईटेललाई सञ्चालकमा नियुक्त गरिएको छ। साथै, उनलाई कम्पनीको सञ्चालक समितिको अध्यक्षको जिम्मेवारी पनि प्रदान गरिएको छ।

यस्तै, संस्थापक शेयरधनी समूहकै तर्फबाट BizWorld Advisory Pvt. Ltd. का प्रतिनिधि अशोक प्रसाद साहलाई सञ्चालकमा नियुक्त गर्ने निर्णय गरिएको छ। अर्को रिक्त सञ्चालक पदमा Centrum Capital Pvt. Ltd. का प्रतिनिधि दीपक कुमार मिश्रलाई नियुक्त गरिएको कम्पनीले जनाएको छ।

यसैगरी, स्वतन्त्र सञ्चालक पदमा साधारणसभा नभएसम्मका लागि दामोदर सत्याललाई नियुक्त गर्ने निर्णय सञ्चालक समितिले गरेको छ।

कम्पनीले यी निर्णयहरू सम्बन्धित नियामकीय प्रक्रिया तथा प्रचलित व्यवस्था अनुरूप कार्यान्वयन गरिने जनाएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना