![$adHeader[0]['title']](https://bfisnews.com/images/bigyapan/1776181672_1100 x100.gif)
स्वास्थ्य बीमा दाबीबापत २०२ अस्पताललाई थप ९१ करोड १८ लाख रुपैयाँ भुक्तानी प्रक्रिया अघि बढ्यो
- BFIS News
- 2026 Jun 16 13:25
काठमाडौं । स्वास्थ्य बीमा बोर्डले देशभरका २०२ सेवा प्रदायक अस्पताललाई स्वास्थ्य बीमा दाबीबापत थप ९१ करोड १८ लाख ९४ हजार रुपैयाँ भुक्तानी गर्ने प्रक्रिया अघि बढाएको छ ।
बोर्डले सेवा प्रदायक संस्थाहरूको बक्यौता रकम क्रमशः भुक्तानी गर्दै जाने नीति लिएको जनाएको छ । स्वास्थ्य बीमा कार्यक्रम र विपन्न नागरिकको औषधि उपचारसँग सम्बन्धित बाँकी रकमलाई प्राथमिकतामा राखेर भुक्तानी प्रक्रिया अघि बढाइएको हो ।
यसअघि गत जेठ १३ गते स्वास्थ्य बीमा दाबीबापत १ अर्ब ३ करोड २४ लाख ७७ हजार रुपैयाँ निकासा गरिएको थियो । त्यस्तै जेठ २१ गते विपन्न नागरिकको औषधि उपचार खर्चका लागि ३२ करोड १३ लाख ६ हजार रुपैयाँ उपलब्ध गराइएको थियो ।
जेठ २७ गते सोही कार्यक्रमअन्तर्गत थप २७ करोड ३७ लाख ७८ हजार रुपैयाँ भुक्तानी गरिएको थियो ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया