महालक्ष्मी विकास बैंकद्धारा विभिन्न संस्थागत सामाजिक उत्तरदायित्वका कार्यक्रमहरु सम्पन्न

काठमाडौं। महालक्ष्मी विकास बैंकले वित्तीय साक्षरता, शिक्षा, स्वास्थ्य, दैवी प्रकोप व्यवस्थापन, वातावरण संरक्षण, सांस्कृतिक प्रबर्द्धन, पुर्वाधार निर्माण/सुधार, दिगो विकास लक्ष्य, मानव सेवा तथा परोपकार कार्य जस्ता विभिन्न क्षेत्रहरुमा संस्थागत सामाजिक उत्तरदायित्व अन्तर्गत कार्यक्रम सञ्चालन गर्ने निति अनुरुप बैंकले संस्थागत सामाजिक उत्तरदायित्व अन्तर्गत विभिन्न कार्यक्रमहरु सम्पन्न गरेको छ ।

संस्थागत सामाजिक उत्तरदायित्व अन्तर्गत मेचीनगर-०७, झापा जिल्लामा रहेको पृथ्वी माध्यमिक विद्यालय, बरेङ्ग गाउँपालिका वडा न. ०४ बागलुङ्गमा रहको सल्यान सुखौरा माध्यमिक विद्यालय, हेटौंडा मकवानपुरमा रहेको वंशगोपाल आधारभूत विद्यालय, गैंडाकोट-०१, चितवनमा रहेको नवदुर्गा आधारभूत विद्यालयमा अध्ययनरत छात्राहरुलाई सुरक्षित र सहज रुपमा शौचालय सुविधा प्रदान गर्नको लागि आधुनिक शौचालय निर्माण गर्नको लागि विभिन्न रोटरी क्लबहरु मार्फत बैंकले आर्थिक सहयोग गरेको छ ।

सोही अन्तर्गत बैंकको शाखा कार्यालय, बेलौरी मार्फत कृष्ण आधारभूत विद्यालय, शुक्लाफाँटा नगरपालिका-०१, रामनगर, कञ्चनपुरमा अध्ययनरत गरिब तथा जेहेन्दार विद्यार्थीहरुलाई ८० थान विद्यालय भोला वितरण गरेको छ । विद्यार्थीहरुलाइ अध्यनमा सहजता होस भन्ने उद्देश्यका साथ २०८३/०३/१२ मा एक कार्यक्रमका विच उक्त विद्यालय भोलाहरु वितरण गरिएको हो ।

त्यसैगरी, जीतपुर सिमरा उपमहानगरपालिका वडा.न. २, सिमरा, बारामा रहेको सिमरा कलेजमा शैक्षिक पक्षको थप विकास र पठनपाठन कार्यलाई थप प्रविधिमैत्री बनाउन सहयोग पुर्याउने उद्देश्यका साथ यस बैंकको शाखा कार्यालय सिमरा मार्फत १ थान ल्यापटप सहयोग गरिएको छ । आर्थिक स्रोतको अभावले गुणस्तरीय शिक्षा प्रदान गर्नबाट कोही वञ्चित हुन नपरोस भन्ने उद्देश्यका साथ उक्त सहयोग गरिएको हो ।

त्यसै गरी केदारस्यूं-०४, बागथला, बझाङ्गमा रहेको शिक्षोदय माध्यमिक विद्यालयको किशोरकिशोरी मैत्री सूचना केन्द्रलाई आवश्यक पर्ने विभिन्न सामाग्रीहरु जस्तै थर्मोमिटर, विपि सेट, प्राथमिक उपचार बाकस, स्टेचर लगायतका विभिन्न स्वास्थ्य तथा खेलकुद सामाग्रीहरु खरिद गर्नको लागि यस बैंकको शाखा कार्यालय बझाङ्ग मार्फत आर्थिक सहयोग गरिएको छ ।

त्यसैगरी, नेपालकै ठुलो शक्तिपिठको रुपमा पाल्पा जिल्ला रिब्दिकोट गाउँपालिका वडा न. ०४ मा रहेको भैरवनाथ मन्दिरमा फोहोरको प्रभावकारी रुपमा व्यवस्थापन गर्नको लागि १० थान डस्टविन हस्तान्तरण गरिएको छ। त्यसैगरी राष्ट्रिय माध्यमिक विद्यालय, भीमफेदी-१, सानुटार, मकवानपुरमा आर. ओ सहितको पिउने पानी संरचना निर्माणको लागि बैंकको शाखा कार्यालय हेटौंडा मार्फत आर्थिक सहयोग गरिएको छ । स्वच्छ पानी स्वस्थ जीवनको आधार भन्ने मुल मर्मलाई आधार मान्दै गुणस्तरीय खानेपानी पहुँच विस्तारमा सहयोग पुऱ्याउने उद्धेश्यका साथ आर्थिक सहयोग गरिएको हो। साथै, संस्थागत सामाजिक उत्तरदायित्व अन्तर्गत नै नेपाल राष्ट्रिय प्राथमिक विद्यालय, चपुर-१०, रौतहटलाई सेतो डिजिटल बोर्ड प्रदान गरिएको छ ।

"सबल बैंक, सफल सहकार्य" को नारालाई आत्मसाथ गर्दै नेपाली जनताको घरदैलोमा अनवरत रुपले गुणस्तरीय वित्तीय सेवा प्रदान गर्दै आएको यस बैंकले हालै मात्र काठमाण्डौं जिल्ला का.म.न.पा वडा न. ३०, ज्ञानेश्वरमा कफि लाउञ्ज सहितको डिजिटल हब सञ्चालनमा ल्याएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?