माछापुच्छ्रे बैंकको डीसीईओमा कल्याणविक्रम पाण्डे नियुक्त

काठमाडौं । माछापुच्छ्रे बैंक लिमिटेडले कल्याणविक्रम पाण्डेलाई नायब प्रमुख कार्यकारी अधिकृत (डीसीईओ) नियुक्त गरेको छ। पाण्डेले साउन २९ गतेदेखि बैंकको डीसीईओका रूपमा कार्यभार सम्हालेका हुन्।

बैंकिङ क्षेत्रमा २५ वर्षभन्दा बढीको अनुभव हासिल गरेका पाण्डेले यसअघि ग्लोबल आइएमई बैंक, तत्कालीन जनता बैंक, लक्ष्मी बैंक तथा कुमारी बैंकमा विभिन्न महत्वपूर्ण जिम्मेवारी सम्हालिसकेका छन्।

पाण्डेले बैंगलोर विश्वविद्यालयबाट फाइनान्समा एमबीए तथा अलिगढ मुस्लिम विश्वविद्यालयबाट इलेक्ट्रिकल इन्जिनियरिङमा अनर्ससहित बीटेक गरेका छन्।

उनको विशेषज्ञताका क्षेत्रहरूमा कर्पोरेट तथा पूर्वाधार बैंकिङ, एसएमई तथा रिटेल बैंकिङ, डिजिटल रूपान्तरण, जोखिम व्यवस्थापन, अनुपालन, ट्रेड फाइनान्स, ट्रान्जेक्सन बैंकिङ, मर्जर तथा एक्विजिसन, वित्तीय विश्लेषण, उत्पादन विकास तथा दिगो एवं हरित बैंकिङ रहेका छन्।

माछापुच्छ्रे बैंकले पाण्डेको लामो बैंकिङ अनुभव, व्यावसायिक दक्षता तथा परिणाममुखी नेतृत्वबाट बैंकको व्यवसाय विस्तार, सेवा प्रवाहमा सुधार तथा रणनीतिक उद्देश्य हासिल गर्न थप योगदान पुग्ने अपेक्षा गरेको जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?