![$adHeader[0]['title']](https://bfisnews.com/images/bigyapan/1726498142_960x100.gif)
व्याज खर्च बढ्दा राष्ट्रिय बाणिज्य बैंकको मुनाफा ३१ प्रतिशतले घट्यो, खराव कर्जा बढ्न थाल्यो
- BFIS News
- 2023 Nov Fri 11:14
काठमाडौं । व्याज खर्च बढ्दा राष्ट्रिय बाणिज्य बैंकको मुनाफा ३१ प्रतिशतले घटेको छ । बैंकले चालु आर्थिक वर्षको पहिलो त्रैमासिक अवधिमा ८५ करोड ९८ लाख रुपैयाँ मुनाफा आर्जन गरेको छ । जवकी गत वर्षको यहि अवधिमा एक अर्ब २४ करोड थियो ।
व्याज खर्च २१ प्रतिशतले बढ्दा खुद व्याज आम्दानी २० प्रतिशतले घटेको छ । बैंकले समिक्षा अवधिमा २ अर्ब ५२ करोड खुद व्याज आम्दानी गरेको छ । जवकी गत वर्षको यहि अवधिमा तीन अर्ब १८ करोड थियो । यस त्रैमाशमा व्याज खर्च ५ अर्ब ७ करोड रहेको छ । जवकी गत वर्षको यहि अवधिमा ४ अर्ब १६ करोड थियो ।
बैंकले ३ खर्ब २५ करोड रुपैयाँ निक्षेप संकलन गरी २ अर्ब ३७ करोड कर्जा लगानी गरेको छ । चुक्ता पूँजी १५ अर्ब ६३ करोड रुपैयाँ रहेको छ भने जगेडा कोषमा ३८ अर्ब २० करोड जम्मा भइसकेको छ । मुनाफा घटेसँगै प्रतिशेयर आम्दानी पनि २१ रुपैयाँमा झरेको छ । पूँजीकोष अनुपात १२.८५ प्रतिशत रहेको बैंकको खराव कर्जा ३.६२ प्रतिशत पुगेको छ । पुराना बिग्रिएको कर्जा सकारिसकेको बैंकले पछिल्लो समयको आर्थिक मन्दीको सामाना गर्नु परेको छ । सोही क्रममा खराव कर्जा बढ्न पुगेको हो ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया