![$adHeader[0]['title']](https://bfisnews.com/images/bigyapan/1726536208_1712932632_Onlinearthik_1200x100.gif)
करदाता प्रोत्साहन पुरस्कार कार्यक्रम स्थगित
 (3) (1).gif)
- BFIS News
- 2026 Sep 02 11:42
काठमाडौं । रसुवा र नुवाकोटलाई केन्द्र बनाएर गएको भीषण बाढी तथा पहिरोका कारण देश शोक र विपत्तिमा रहेका बेला आन्तरिक राजस्व विभागले भदौ १६ गते गर्ने भनिएको करदाता प्रोत्साहन पुरस्कार घोषणा कार्यक्रम स्थगित गरेको छ।
आन्तरिक राजस्व विभाग, लाजिम्पाटले बुधबार सूचना जारी गर्दै चालु आर्थिक वर्षदेखि प्रत्येक महिनाको पहिलो दिन र १६ गते गर्दै आएको करदाता प्रोत्साहन पुरस्कार घोषणा कार्यक्रम यसपटक स्थगित गरिएको जनाएको हो।
विभागका अनुसार भदौ १६ गतेका लागि तय भएको कार्यक्रम स्थगित भएपछि उक्त १५ दिनको अवधिका साथै भदौ महिनाका विजेताको घोषणा असोज १ गते गरिनेछ।
चालु आर्थिक वर्षदेखि सुरु भएको थियो पुरस्कार कार्यक्रम
आन्तरिक राजस्व विभागले करदातालाई कर तिर्न प्रोत्साहित गर्ने उद्देश्यले चालु आर्थिक वर्षदेखि हरेक महिनाको पहिलो दिन र १६ गते करदाता प्रोत्साहन पुरस्कार घोषणा गर्ने व्यवस्था अघि बढाएको थियो।
कर प्रशासनमा करदाताको सहभागिता बढाउने, नियमित रूपमा कर तिर्ने संस्कार विकास गर्ने तथा कर प्रणालीप्रति सकारात्मक धारणा निर्माण गर्ने उद्देश्यले यस्तो कार्यक्रम ल्याइएको सरकारको भनाइ रहँदै आएको छ।
विभागले तत्कालका लागि स्थगित गरेको कार्यक्रम पूर्ण रूपमा रद्द भने गरेको छैन। भदौ १६ गते घोषणा हुनुपर्ने १५ दिनको अवधिको विजेता र भदौ महिनाको विजेता दुवै असोज १ गते घोषणा गर्ने निर्णय भएको जनाएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
.jpeg)
प्रतिक्रिया