गरिमा विकास बैंकको २० प्रतिशत लाभांश पारित, चुक्ता पुँजी ६ अर्ब ६२ करोड पुग्ने

काठमाडौं । गरिमा विकास बैंक लिमिटेडको २०औँ वार्षिक साधारण सभाले आर्थिक वर्ष २०८२/८३ का लागि प्रस्तावित २० प्रतिशत लाभांश पारित गरेको छ। असोज २६ गते पोखरास्थित होटल पोखरा ग्रान्डमा सम्पन्न साधारण सभाले १० प्रतिशत बोनस सेयर र १० प्रतिशत नगद लाभांश वितरण गर्ने प्रस्ताव स्वीकृत गरेको हो।

साधारण सभाले बैंकको वार्षिक प्रतिवेदन, आर्थिक वर्ष २०८२/८३ को वित्तीय विवरण तथा आर्थिक वर्ष २०८३/८४ का लागि लेखापरीक्षक नियुक्त गर्ने प्रस्तावसमेत पारित गरेको छ।

हाल बैंकको चुक्ता पुँजी ६ अर्ब २ करोड रुपैयाँ रहेको छ। प्रस्तावित १० प्रतिशत बोनस सेयर वितरणपछि बैंकको चुक्ता पुँजी बढेर ६ अर्ब ६२ करोड रुपैयाँ पुग्नेछ।

गरिमा विकास बैंकले हाल देशभर १२६ शाखा र ५१ वटा एटीएममार्फत बैंकिङ सेवा प्रदान गर्दै आएको छ। बैंकले शाखा सञ्जालसँगै डिजिटल माध्यमबाट समेत ग्राहकलाई बैंकिङ सेवा उपलब्ध गराउँदै आएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?