ज्योति विकास बैंकद्वारा भूकम्प पीडितका लागि आर्थिक सहयोग

काठमाडौं । ज्योति विकास बैंकले जाजरकोट केन्द्रविन्दु भई गत शुक्रवार गएको भूकम्पबाट पीडितहरूको उद्धारका लागि आर्थिक सहयोग गरेको छ । बैंकले भूकम्पबाट पीडितहरूको उद्धार तथा सहयोगका लागि जाजरकोट जिल्ला प्रशासन कार्यालयको भूकम्प प्रभावित राहत कोषमा रू. ५ लाख आर्थिक सहयोग गरेको हो।

उक्त रकम बैंकका जाजरकोट शाखाका प्रबन्धक वीरेन्द्र बहादुर ऐडीले जाजरकोटका प्रमुख जिल्ला अधिकारी सुरेश सुनार र सहायक प्रमुख जिल्ला अधिकारी हरिश्चन्द्र शर्मालाई हस्तान्तरण गरे । 

बैंकले जाजरकोटस्थित शाखामार्फत सरल वित्तीय सेवाका साथै संस्थागत सामाजिक उत्तरदायित्वका कार्यक्रममार्फत विभिन्न क्षेत्रमा समन्वय र सहयोग गर्दै आएको जानकारी दिएको छ । बैंकले आगामी दिनहरूमा पनि जाजरकोटस्थित शाखा कार्यालयमार्फत दीर्घकालीन र दीगो कार्यक्रमहरूलाई निरन्तरता दिने जनाएको छ।

बैंकले हाल १२१ वटा शाखा कार्यालय, ३ वटा विस्तारित काउन्टर तथा ७५ वटा एटीएममार्फत सेवा उपलब्ध गराउँदै आइरहेको जानकारी दिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?