![$adHeader[0]['title']](https://bfisnews.com/images/bigyapan/1726498142_960x100.gif)
बैंकिङ प्रणालीमा ५९ खर्ब निक्षेप संकलन, सीडी रेसियो भने ८१.५३ प्रतिशतमा झर्यो
- BFIS News
- 2023 Nov Wed 08:42
काठमाडौं । नेपालको बैंकिङ प्रणालीमा ५९ खर्ब रुपैयाँ निक्षेप जम्मा भएको छ । नेपाल राष्ट्र बैंकका अनुसार गएको नोभेम्बर ४ सम्म ५८ खर्ब ९६ अर्ब थियो ।
वाणिज्य बैंकहरुसँग मात्रै ५२ खर्ब १४ अर्ब रुपैयाँ निक्षेप रहँदा अन्य बैंक तथा वित्तीय संस्थासँग ६ खर्ब ८६ अर्ब रुपैयाँ निक्षेप रहेको केन्द्रीय बैंकले जनाएको छ ।
आइतबारसम्म बैंक तथा वित्तीय संस्थाले समग्रमा ४९ खर्ब ७७ अर्ब रुपैयाँ कर्जा लगानी गरेका छन् । जसमध्ये वाणिज्य बैंकहरुले मात्रै ४४ खर्ब ५ अर्ब रुपैयाँ कर्जा लगानी गरेका छन् । अन्य बैंक तथा वित्तीय संस्थाहरुले ५ खर्ब ७२ अर्ब रुपैयाँ कर्जा लगानी गरेका छन् । सोही दिनको तथ्यांक अनुसार सीडी रेसियो भने ८१.५३ प्रतिशत रहेको छ । शनिबार ८१.५४% थियो । निक्षेप संकलन बढ्दै जाने हो भने ब्याजदर पनि घट्ने जानकारहरु बताउँछन् ।
अहिले वाणिज्य बैंकहरुको औसत ब्याजदर १०.०९ प्रतिशत रहेको छ । पछिल्लो समय बैंकहरुले १ खर्ब २० अर्ब रुपैयाँ निक्षेप संकलन र ८४ अर्ब रुपैयाँ कर्जा प्रवाह बढाएका छन् ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया