सर्वोत्तम सिमेन्टले २१ प्रतिशत लाभांश दिने, १ अर्ब ९ करोड रुपैयाँ वितरण गर्ने
- BFIS News
- 2026 Nov 17 14:45
काठमाडौं । सर्वोत्तम सिमेन्ट लिमिटेडले गत आर्थिक वर्ष २०८२/८३ को नाफाबाट सेयरधनीलाई २१ प्रतिशत लाभांश वितरण गर्ने प्रस्ताव गरेको छ। कम्पनीको सञ्चालक समितिको बैठकले चुक्ता पुँजीको ६ प्रतिशत बोनस सेयर र १५ प्रतिशत नगद लाभांश वितरण गर्ने प्रस्ताव गरेको हो।
प्रस्तावित लाभांशमध्ये ३१ करोड ३४ लाख रुपैयाँ बराबरको बोनस सेयर र करसहित ७८ करोड ३६ लाख रुपैयाँ नगद लाभांश रहेको छ। यसअनुसार कम्पनीले कुल १ अर्ब ९ करोड ७० लाख रुपैयाँ बराबरको लाभांश वितरण गर्नेछ। कम्पनीको हालको चुक्ता पुँजी ५ अर्ब २२ करोड रुपैयाँ रहेको छ।
सञ्चालक समितिबाट प्रस्तावित लाभांश कम्पनीको आगामी वार्षिक साधारणसभाबाट पारित भएपछि सेयरधनीले प्राप्त गर्नेछन्।
कम्पनीले अघिल्लो आर्थिक वर्ष २०८१/८२ मा २० प्रतिशत लाभांश वितरण गरेको थियो। त्यतिबेला ५ प्रतिशत बोनस सेयर र १५ प्रतिशत नगद लाभांश दिएको कम्पनीले यस वर्ष बोनस सेयरको हिस्सा एक प्रतिशत विन्दुले बढाएको छ।
पछिल्ला चार आर्थिक वर्षको लाभांश इतिहास हेर्दा कम्पनीले आर्थिक वर्ष २०७९/८० मा १५ प्रतिशत नगद लाभांश दिएको थियो। त्यसपछि आर्थिक वर्ष २०८०/८१ मा ७ प्रतिशत बोनस र ३ प्रतिशत नगद गरी १० प्रतिशत तथा आर्थिक वर्ष २०८१/८२ मा ५ प्रतिशत बोनस र १५ प्रतिशत नगद गरी २० प्रतिशत लाभांश वितरण गरेको थियो।
यस वर्ष कम्पनीले कुल लाभांश २१ प्रतिशत पुर्याउँदै पछिल्ला चार वर्षमध्ये सबैभन्दा बढी लाभांश प्रस्ताव गरेको छ।
![$adHeader[0]['title']](https://bfisnews.com/images/bigyapan/1794925158_1200x100.gif)




 (3) (1).gif)


.gif)
.gif)








प्रतिक्रिया