![$adHeader[0]['title']](https://bfisnews.com/images/bigyapan/1726498142_960x100.gif)
सिटिजन लाइफको नयाँ बोनसदर घोषणा, बीमितले अधिकतम प्रतिहजार ७७ रुपैयाँसम्म पाउने
- BFIS News
- 2023 Dec Mon 11:56
काठमाडौं । सिटिजन लाइफ इन्स्योरेन्स कम्पनीले गत आर्थिक वर्ष २०७९/८० का लागि नयाँ बोनसदर घोषणा गरेको छ । जीवन बीमा कम्पनीहरु मध्ये सिटिजन लाइफ यस वर्ष लाभांश घोषणामा पहिलो भएको छ । कम्पनीले आर्थिक वर्ष २०७९/८० को बीमाङ्कीय मूल्याङ्कन पछि बीमितका लागि नयाँ बोसदर निर्धारण गरेको हो ।
कम्पनीले गत आर्थिक वर्षका लागि न्युनतम प्रतिहजार २५ रुपैयाँदेखि अधिकतम प्रतिहजार ७७ रुपैयाँसम्मको नयाँ बोनसदर निर्धारण गरेको छ । कम्पनीबाट ३० वर्ष वा सो भन्दा बढी अवधिको जीवन बीमा पोलिसी खरिद गर्ने बीमितले सर्वाधिक धेरै प्रतिहजार ७७ रुपैयाँसम्म पाउने छन् । त्यस्तै ९ वर्ष वा सो भन्द कम अवधिको वार्षिक अग्रिम भुक्तानी जीवन बीमा पोलिसी खरिद कर्ताले भने सबैभन्दा कम २५ रुपैयाँ मात्रै पाउने छन् ।
जीवन बीमा पोलिसी जति लामो अवधिको खरिद गर्न सक्यो त्यति नै धेरै बोनसदर प्राप्त गर्न सकिन्छ । तर अग्रिम भुक्तानी सावधिक जीवन बीमा पोलिसीमा भने तुलनात्मक रुपमा कम बोनदर निर्धारण हुन्छ ।
सिटिजन शुभारम्भ योजना, यो योजना खरिद गर्ने बीमितले न्यनुतम प्रतिहजार ३९ रुपैयाँदेखि अधिकतम ७५ रुपैयाँसम्म पाउने छन् । सावधिक रेगुलर जीवन बीमा, सिटिजन बाल भविष्य योजना, सावधिक तथा आजीवन बीमालेखमा पनि बीमितले आकर्षक बोनसदर पाउने छन् ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया