सांग्रिला डेभलपमेन्ट बैंकका सिइओ सुयोग श्रेष्ठको वार्षिक तलब सुविधा एक करोड ४ लाख

काठमाडौं । सांग्रिला डेभलपमेन्ट बैंकका प्रमुख कार्यकरी अधिकृत सुयोग श्रेष्ठको वार्षिक तलव सुविधा एक करोड ४ लाख रुपैयाँ रहेको छ । बैंकले गत आर्थिक वर्ष २०७९/८० मा श्रेष्ठलाई तलब, भत्ता, दशैभत्ता, कर्मचारी संचयकोष योगदान, बिदा वापतको भुक्तानी तथा कर्मचारी बोनस बापत उक्त रकम प्रदान गरेको हो ।

श्रेष्ठको वार्षिक तलब ५४ लाख ७ हजार, भत्ता ३५ लाख ४२ हजार, दशै भत्ता ८ लाख ५ हजार, सञ्चयकोष ५ लाख ४० हजार र अन्य एक लाख ८ हजार रुपैयाँ रहेको छ । यसमा नियम अनुसार मुनाफाबाट कर्मचारी बोनस जोडिएको छैन । बैंकले श्रेष्ठलाई २०७९ भदौमा दोस्रो कार्यकालका लागि पुन नियुक्त गरेको थियो ।

यस बैंकको लेखापरीण प्रतिवेदन अनुसार आर्थिक वर्ष २०७९/८० को नाफा वा नोक्सान हिसाब विवरणका आधारमा खुद मुनाफा २७ करोड ४ लाख बाट साधारण जगेडा कोषमा २० प्रतिशतले हुने रकम रु. ५४,१७३,४९६.५०/– सारी तथा अन्य आवश्यक समायोजनहरु पश्चात बाँकी रहेको रकमबाट उन्नाइसौं वार्षिक साधारणसभाको प्रयोजनार्थ चुक्ता पूँजी रु ३,२६,७५,९१,७१६.७१/– को ५.२६३ प्रतिशतले हुन आउने लाभांश मध्ये ५ प्रतिशत अर्थात १६,३३,७९,५८५.८४ /– बराबरको बोनस शेयर तथा ०.२६३ प्रतिशतले हुन आउने रकम रु. ८५,९८,९२५.५७ कर प्रयोजनको लागि नगद लाभांश वितरण गर्ने प्रस्ताव साधारणसभामा पेश गर्दैछ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?