कात्तिकमा निर्जीवन बीमा व्यवसाय ४.७० प्रतिशतले घट्यो, चार महिनामा १२ अर्ब ७३ करोड आर्जन हुँदा कसको कति ?

काठमाडौं । निर्जीवन बीमा कम्पनीहरुको व्यवसाय गिरावटको क्रम जारी छ । चालु आर्थिक वर्षको ४ महिनाको अवधिमा निर्जीवन बीमा कम्पनीहरुको बीमा शुल्क आर्जन ४.७० अंकले घटेको छ । यस अवधिमा निर्जीवन बीमा कम्पनीहरुले १२ अर्ब  ७३ करोड रुपैयाँ बीमा शुल्क आर्जन गरेका छन् । गत वर्षको यहि अवधिमा कम्पनीहरुले १३ अर्ब ३५ करोड बीमा शुल्क आर्जन गरेका थिए ।

कार्तिक महिनामा सर्वाधिक धेरै राष्ट्रिय बीमा कम्पनीको व्यवसाय ५५.३४ प्रतिशतले घटेको छ । कम्पनीले चार महिनामा जम्मा ५८ करोड ५५ लाख रुपैयाँ आर्जन गरेको छ । गएको वर्षको यहि अवधिमा एक अर्ब ३१ करोड थियो ।

कार्तिक महिनासम्ममा सर्वाधिक धेरै बीमा शुल्क आर्जन सगरमाथा लुम्बिनी इन्स्योरेन्स कम्पनी रहेको छ । सगरमाथाले चार महिनामा एक अर्ब ६० करोड रुपैयाँ बीमा शुल्क आर्जन गरेको छ ।  त्यस्तै दोस्रो धेरै सिद्धार्थ प्रिमियरले एक अर्ब ३३ करोड आर्जन गरेको छ । मर्जर भन्दा अगाडी साविक सिद्धार्थ र प्रिमियरको छुट्टा छुट्टै व्यवसाय जोड्ने हो भने एक अर्ब ६४ करोड हुन जान्छ । यस हिसावले कम्पनीको व्यवसाय १८.६४ प्रतिशतले घटेको छ ।  

तेस्रो धेरै बीमा शुल्क आर्जन शिखर इन्स्योरेन्स कम्पनीको रहेको छ । कम्पनीले मर्जर विना नै एक अर्ब २७ करोड आर्जन गरेको छ । कम्पनीको व्यवसायमा सामान्य सुधार देखिएको छ । त्यस्तै हिमालयन एभरेष्टले पनि गत वर्षको तुलनामा २४ प्रतिशतले व्यवसाय बढाउदै एक अर्ब १३ करोड आर्जन गरेको छ । गएको यस अवधिमा मर्जरको समस्याबाट गुज्रिरहेको थियो ।

पाचौ नम्बरमा रहेको आइजिआइ प्रुडेन्सियलको व्यवसाय भने ४.१० प्रतिशतले बढेको छ । कम्पनीले समिक्षा अवधिमा एक अर्ब ९३ करोड बीमा शुल्क आर्जन गरेको छ । त्यस्तै नेककोले पनि एक अर्ब ४ करोड आर्जन गरेको छ । युनाइटेडको व्यवसाय ८६ करोड ८३ लाखमा सिमित छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना