घरजग्गा र शेयर बजारलाई कडाइ गर्ने नीतिबाट सरकार व्याक हट्यो, व्याजदर तल झारेर कन्फिडेन्स बढाउदै राष्ट्र बैंक

काठमाडौं । बैंकिङ प्रणालीमा तरलता थुप्रिए पछि बैंकहरु विच व्याजदर घटाउने प्रतिस्पर्धा हुन थालेको छ । एक डेड वर्ष अगाडी बैंकहरुको सिडी रेसियो ९० प्रतिशत हाराहारी थियो । अहिले घटेर ८० प्रतिशतमा झरेको छ ।

नेपाल राष्ट्र बैंकले चालु आर्थिक वर्षको प्रथम त्रैमाशिक मौद्रिक समिक्षा मार्फत नीतिगत दरहरुमा लचकता अपनाएको छ । अर्को तर्फ बैंकिङ प्रणालीमा नेचुरल्ली नै तरलता थुप्रिदै गइरहेको छ । नेपाल राष्ट्र बैंक वा सरकारको नीतिले भन्दा पनि प्राकृतिक रुपमै बजारमा तरलता थुप्रिदा स्वत व्याजदर तल झरेको हिमालयन बैंकका प्रमुख कार्यकारी अधिकृत अशोक शेरचन बताउछन् । 

उनले भने 'नेपाल राष्ट्र बैंकको नीति भन्दा पनि बजारमा कर्जाको माग नहुँदा तरलता बढ्दै गएको हो । तलरलता बढ्दै गए पछि व्याजदर पनि स्वभाविक रुपमा तल झर्दै आएको छ ।'

हिजो एनआइसी एशिया र कुमारी बैंकले निक्षेपको व्याजदर घटाएका थिए भने आज एनएमबी बैंकले आजैदेखि लागु हुने गरी व्याजदर घटाएको छ । यसले पनि के थाहा हुन्छ भने बजारमा प्रयाप्त तरलता छ । यो तरलता बजारमा नयाँ कर्जाको प्रवाह नभएसम्मका लागि बढि नै देखिनेछ । तर तत्काल कर्जा प्रवाह  हुने अवस्था देखिदैन । 

तर राष्ट्र बैंक र सरकारले अर्थतन्त्रलाई चलायमान बनाउन घरजग्गा तथा शेयरलाई खुकुलो बनाइदिएका छन् । सरकारले विगतका वर्षमा घरजग्गा र शेयर बजार दुबैलाई टाइट गरेका थिए । जसको परिणाम अहिले घरजग्गामा सिथिलता आउनुका साथै बिक्नै नसक्ने अवस्था बनेको छ । यसको प्रत्यक्ष असर बैंकिङ कर्जामा पर्न थालेको छ । यहि अवस्थामा रहने हो भने बैंकिङ कर्जा थप  बिग्रिने देखिए पछि राष्ट्र बैंकले घरजग्गामा प्रवाह हुने कर्जामा खुकुलो पार्ने नीति लिएको हो । 

नेपालको अर्थतन्त्रको आधार बलियो छैन त्यसैले गर्दा सरकारले लिएका विगतको नीतिगत व्यवस्थाले उल्टै नकारात्मक प्रभाव पार्यो ।अहिले सरकार पुन व्याक हटेको छ । घरजग्गा तथा शेयर बजारमा केहि सहजता आयो भने ऋणीले विस्तारै कर्जा सल्टाउन सक्ने अनुमान गरिएको छ । ठुला ऋणीले घरजग्गा तथा शेयर बजारबाट कर्जा सल्टाउन सके भने अहिलेको पेनिक अवस्थामा केहि रिलिफ आउने अनुमान गरिएको छ । 

सरकारले प्लटिङ रोके सँगै नेपालमा रियल इस्टेड उद्योग बन्द भएका थिए । अर्को तर्फ कित्ताकाट रोकिदा ठुला ठुला लगानीकर्ताको अर्बौ रुपैयाँ जग्गामा फस्यो । अर्थतन्त्रमा विचौलिया राज मौलायो । घरजग्गा तथा शेयर बजार जस्ता अनुत्पादक क्षेत्रमा अर्थतन्त्र सिमित हुँदा बेलुन फेले झै फुल्यो भन्दै सरकारले यि दुबै कुरालाई रोक्ने प्रयास गर्यो । यहि प्रयासले गर्दा गएका दुई वर्ष अर्थतन्त्रमा नराम्रो प्रभाव पार्यो । 

सरकारले कडाइ गर्ने नीति लिए पनि यस क्षेत्रको लगानी उत्पादनमुलक क्षेत्रमा कन्भर्ट हुन नसक्दा नकारात्मक असर परेको हो । सरकारले कडाइ गरे अनुसार उत्पादनमुलक क्षेत्रमा लगानी भित्र्याउने, उद्योग कलकारखाना खोल्ने विकास निर्माणको काम हुने अवस्था थियो भने सरकारको नीतिलाई प्रभावकारी मान्न पनि सकिन्थ्यो । तर बजार यसरी पेनिक भयो सबै जनालाई बैंकिङ कर्जा भुक्तानी गर्न हाहाकार भयो । 

अव पनि पुन शेयर बजार र घरजग्गामै बुम बुम हुने अवस्था आउने हो भने अर्थतन्त्रले कोल्टे फर्न सक्दैन । तर सरकारले अहिलेको पेनिक व्यवसायीलाई राहात प्रदान गर्न पनि यस्तो नीति लिएको हो । बैंकरहरुका अनुसार राष्ट्र बैंकको यो नितिले घरजग्गा तथा शेयर बजारमा सकारात्मक प्रभाव पर्यो भने अहिलेको खराव कर्जा सल्टिदै जानेछ र अहिलेको क्राउडिङ विस्तारै कम हुँदै जानेछ ।  

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?