खराव कर्जा धेरै भएका बैंकहरुको लाभांश वितरणमा राष्ट्र बैंकको कडाइ,  गभर्नर अधिकारीको जवाफ 'घिउ कहाँ पोखियो दालमा'

काठमाडौं । नेपाल राष्ट्र बैंकले खराव कर्जा धेरै भएका बैंकहरुको लाभांश वितरणमा कडाइ गरेको छ । कोभिड १९ को समयमा नगद लाभांश वितरणमा कडाइ गरेको राष्ट्र बैंकले यस वर्ष भने खराव कर्जा धेरै देखिएका बैंकहरुको लाभांश वितरणमा कडाइ गरेको छ । जसले गर्दा हरेक दिन बैंकहरुले लाभांश वितरण नगर्ने भन्दै सूचना जारी गर्न थालेका छन् । 

हालसम्म एनएमबी बैंक, हिमालयन बैंक, प्राइम कर्मर्सियल बैंक, ज्योति विकास बैंक लगायतले लाभांश नदिने भन्दै घोषणा नै गरिसकेका छन् । अझै धेरै वटा बैंकहरुले लाभांश नदिने घोषणा गर्दैछन् । राष्ट्र बैंकले वित्तीय विवरण स्वीकृतिकै क्रममा बैंकहरुलाई लाभांशको विषयमा सुझाउदै आएको छ । खराव कर्जा धेरै भएका बैंकहरुले ठुलो रकम प्रोभिजनिङ गर्नु पर्ने हुन्छ । यसरी प्रोभिजनिङ गर्दा गर्दै जगेडा कोषमा भएको रकमलाई राष्ट्र बैंकले चलाउन दिएको छैन । 

कतिपय बैंकहरुले पूँजीकोष अनुपात कम भएको भन्दै गर्दा अहिले लाभांश वितरण गर्न दिएर कोष कमजोर बनाउने पक्षमा राष्ट्र बैंक छैन । बैंकरहरु सँगको एक छलफलका क्रममा गभर्नर महाप्रसाद अधिकारीले लाभांश वितरण नगर्न नपाएर चिन्ता नगर्न अनुरोध गरेका थिए । अधिकारीले आखिर खराव कर्जा सल्टिनै वित्तीकै उक्त पैसा रिलिज हुने भन्दै प्रोभिजनिङलाई 'दाल कहाँ पोखियो भातमा' भन्ने कुरा बुझ्न भनेका थिए । 

चरम आर्थिक मन्दीका कारण ऋणीहरुले सावा व्याज तथा किस्ता तिर्न सकिरहेका छैनन् । गएको असारमसम्मा यस्तो अवस्था धेरै नै नाजिक थियो । यहि कारणले पनि सरकारले कित्ताकाट खुलाउनेदेखि लिएर नेपाल राष्ट्र बैंकलाई खुकुलो मौद्रिक नीति अवलम्बन गर्न निर्देशन दिएको थियो । अहिले कित्ताकाट खुलिसकेको छ भने राष्ट्र बैंकले पनि धेरै हदसम्म खुकुलो नीति बनाएको छ । खराव कर्जा तथा प्रोभिजनिङकै कतिपय व्यवस्थामा खुकुलो पार्ने नीति बनाइएको छ ।  

लाभांश घोषणा गर्नेको पनि लाभांश दर घट्यो

यस वर्ष लाभांश घोषणा गरेका अधिकाम्स बैंकहरुको दरमा गिरावट आएको छ । गएका वर्षमा लाभांश दिन नपाएका बैंकहरुले यस वर्ष घोषणा गर्न पाए पनि बाँकी धेरैले लाभांश घोषणा गर्न पाएका छैनन् । एनआइसी एशियाले यस वर्ष एकै पटक तीन वर्षकोको लाभांश दिन पाएकाले ३० प्रतिशत बोनस शेयर दियो । यस बाहेक स्ट्याण्डर्ड चार्टर्ड र एभरेष्टको केहि हदसम्म राम्रो छ भने अरुको एकदमै कम छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?