नेपाल टेलिकमको ४० प्रतिशत लाभांश घोषणा, सरकार एक्लैले ६ अर्ब ५८ करोड लैजाने

काठमाडौं । नेपाल टेलिकमले लाभांश घोषणा गरेको छ । कम्पनीले चुक्ता पूँजीको ४० प्रतिशत नगद लाभांश दिने भएको छ । गत वर्ष २० प्रतिशत बोनस शेयर र २० प्रतिशत नगद लाभांश दिएको टेलिकमले यस वर्ष भने नगद मात्रै दिने निर्णय गरेको हो । 

हाल कम्पनीको चुक्ता पूँजी १८ अर्ब रुपैयाँ रहेको छ । यसै पूँजीका आधारमा कम्पनीले शेयरधनीलाई ७ अर्ब २० करोड रुपैयाँ प्रदान गर्नेछ । यस मध्ये नेपाल सरकारले मात्रै ६ अर्ब ५८ करोड लैजानेछ । नेपाल टेलिकममा नेपाल सरकारको लगानी ९१.४९ प्रतिशत रहेको छ । 

प्रस्तावित लाभांश नेपाल सरकार अर्थमन्त्रालयले स्वीकृत गरेपछि मात्रै साधारणसभामा पेश गरिनेछ । साधारणसभाले लाभांश पारित गरेपछि मात्रै शेयरधनीले पाउने छन् । हाल दोस्रो बजारमा नेपाल टेलिकमको शेयर मूल्य ९४० रुपैयाँ रहेको छ । अन्य कम्पनीहरुको तुलनामा आकर्षक लाभांश दिएको छ । अन्य बैंक वित्तीय संस्थाको लाभांश खुम्चिदै गर्दा टेलिकमले भने लाभांशलाई टिकाइराखेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन