नविल बैंकका सिइओ ढुंगानाको वार्षिक तलब सुविधा एक करोड ५९ लाख, कर्मचारीलाई बोनस बापत एक अर्ब ३ करोड

काठमाडौं । नविल बैकका प्रमुख कार्यकारी अधिकृत ज्ञानेन्द्र प्रसाद ढुङ्गानाले एक वर्षमा तलब भत्ता तथा अन्य सुविधा बापत एक करोड ५९ लाख रुपैयाँ बुझेका छन् ।

ढुङ्गानाले अल्पकालीन कर्मचारी लाभ बापत एक करोड ५१ लाख रुपैयाँ प्राप्त गरेका छन् । जसमा उनले तलब बापत ७९ लाख २० हजार र अन्य लाभ तथा सुविधाहरुबापत ७२ लाख ८ हजार रुपायाँ बुझेका हुन् । यस बाहेक उनले निवृत्त लाभ बापत ७ लाख ९२ हजार बुझेका छन् । ढुङ्गानाले यस बाहेक अझै नियम अनुसार मुनाफाबाट कर्मचारी बोनस समेत प्राप्त गर्नेछन् । ढुङ्गाना भन्दा अगाडीका प्रमुख कार्यकारी अधिकृत अनिल केशरी शाहले जादा जादै २ करोड ८३ लाख रुपैयाँ तलब भत्ता तथा अन्य सुविधाहरु बुझेका थिए ।  

ढुङ्गानालाई बैंकले २०७९ असार १७ गतेदेखि प्रमुख कार्यकारी अधिकृतमा नियुक्त गरेको थियो । बैंकिङ क्षेत्रमा २९ वर्ष विताएका ढुङ्गाना नविल भन्दा पहिला नेपाल बंगलादेश बैंकको सिइओ थिए । नेपाल बंगलादेश बैंकलाई नविलमा गाभ्न उनको महत्वपुर्ण भुमिका रहेको थियो । उनले नेपाल बंगालदेश बैंकमा मात्रै सिइओ पदमा दुई कार्यकाल पुरा गरेका थिए । चार्टर्ड एकाउन्टेन्ट ढुङ्गाना कुनै समय नेपाल राष्ट्र बैंकको निर्देशक थिए । भारतबाट चार्टर्ड एकाउन्टेन्सी र अस्ट्रेलियाबाट सर्टिफिकेट पब्लिक एकाउन्टेन्ट तथा वित्तिय विष्लेषणमा स्नातकोत्तर को अध्ययन पूरा गरेका ढुङ्गाना नेपाल बैंकर्स एसोसिएसनका पुर्व अध्यक्ष समेत हुन् ।

गएको आर्थिक वर्षमा सञ्चालकहरुले पनि बैठक भत्ता तथा अन्य सुविधा बापत एक करोड १२ लाख रुपैयाँ बुझेका छन् । गत आर्थिक वर्षमा कर्मचारीका लागि कुल तलब खर्च २० करोड २० लाख भएको छ । त्यस्तै कर्मचारीहरुले भत्ता बापत एक अर्ब ३३ करोड प्राप्त गरेका छन् । यसका साथै नियम अनुसार मुनाफाबाट एक अर्ब तीन करोड बोनस बाँडिएको छ ।

बैंकले आगामी पुस १२ गते ३९ औं वार्षिक साधारणसभा आह्वान गरेको छ । साधारणसभाले शेयरधनीहरुका लागि भने ११ प्रतिशत अर्थात २ अर्ब ९७ करोड नगद लाभांश वितरण गर्ने प्रस्ताव पारित गर्नेछ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?