अहिले हामीले क्यास बोकेर हिड्नु पर्दैन अवका दिन क्यासलेस नै हो : गभर्नर अधिकारी

काठमाडौं । नेपाल राष्ट्र बैकका गभर्नर महाप्रसाद अधिकारीले नेपाल क्लियरिङ हाउसको १५औं वार्षिकोत्सव समारोहलाई सम्बोधन गर्दै नेपालमा फाइनान्सियल सेक्टरले धेरै ठूलो परिवर्तन गरेको बताएका छन् । उनले भने ‘जसरी नेपालमा राजनीतिक परिवर्तन ठूलो भयो भनिन्छ,भएको पनि छ । त्यसैगरी फाइनान्सियल सेक्टरहरु परिवर्तनकारी सेक्टर हो ।’

डिजिटलाइजेसनमा आएको परिवर्तनलाई एकदमै स्पष्ट देख्न सकिने उनको भनाइ छ । उनले थपे ‘हामीले एकदमै स्पष्ट रुपमा देख्न सक्छौँ । हामीले डे टु डे लाइफमा पनि पाइरहेका छौँ ।’ डिजिटल पेमेन्टमा हामीले सोचेको भन्दा पनि एक खालको इकोसिस्टम बनेको उनले बताए । हामीले क्यासै बोकेर हिँड्नुपर्दैन उनले भने, त्यसमा हामीले गर्व गर्नुपर्छ ।

यस उपलब्धीमा सबैको सहयोग रहेको उनको भनाइ छ । नेपालमा दुई तिहाइ ग्राहकहरुले मोबाइल बैंकिङ प्रयोग गर्ने भएकाले पनि यसमा ठुलो परिवर्तन आएको उनको विश्लेषण छ । यसलाई हामीले जोगाएर लैजानु पर्ने भन्दै अधिकारीले यसलाई थप जोड दिनुपर्ने बताए ।

उनले भने ‘डिजिटलाइजेशनको अरु विकल्प छैन । यसले समाजमा सुशासन ल्याउँछ अरु खालका विकृतिहरु हटाउँदै लैजान्छ ।’ क्यास प्रयोग गरेर हुनसक्ने विकृतिहरु यसले घटाउँदै लैजाने उनले बताए । यसले पारदर्शिता बढाउनुका साथै डिजिटल कारोबार भइराख्दा डेटाबेस बन्दै जाने हुँदा बैंकिङ प्रणाली स्ट्रङ हुँदै जाने उनको भनाइ छ । बैंकहरु अवका दिनमा पनि डिजिटलाइजेशनमै जानु पर्ने भएकाले अवको दिन क्यास लेस नै हुने उनको भनाइ छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?