कर्जा नविकरण, पुनरसंचरना र पुरतालिकिकरण गर्दा पनि ऋणीको अवस्था चेक गर्न राष्ट्र बैंकको निर्देशन

काठमाडौं । नेपाल राष्ट्र बैंकले कर्जा प्रवाहको समयमा बाहेक नविकरण, पुनरसंचरना र पुरतालिकिकरण गर्दा समेत ऋणीले अन्य बैंक तथा वित्तीय संस्थाबाट कर्जा लिए नलिएको जानकारी लिएर मात्रै आवश्यक प्रकृयाँ अगाडी बढाउन निर्देशन दिएको छ ।

बैंक तथा वित्तीय संस्थाले कर्जासम्बन्धी निर्णय लिनुअघि ग्राहकले अन्य बैंक तथा वित्तीय संस्थाबाट कर्जा लिएर नलिएको र लिएको भए सोको अवस्था के रहेछ भनेर कर्जा सूचना केन्द्रबाट विवरण लिन आग्राह गरेको हो ।

कर्जा सूचनामा ऋणीले लिएको कर्जाको सीमा, बक्यौता, भाखा नाघेको भए सोको अवधि, सुरक्षणमा राखेको धितोको विवरण, जमानीकर्ताको विवरण, कालोसूचीमा रहे नरहेको विवरण लगायतका विस्तृत जानकारी हुने राष्ट्र बैंकले जनाएको छ । यस्तो सूचना पुराना ऋणीको पनि कर्जा नविकरण गर्दा, कर्जाको पुनरसंचरना र पुरतालिकिकरण गर्दा वा नियमित समीक्षा गर्दा समेत प्रयोग गर्न राष्ट्र बैंकले निर्देशन दिएको छ ।

कर्जा सूचना ऋणीको कर्जा जोखिम मूल्याङ्कन गर्ने प्रमुख आधार भएकाले यसलाई संसारभर एकदमै महत्वका साथ गरिने राष्ट्र बैंकले जनाएको छ । पछिल्ला दिनमा ऋणीहरुले कर्जाको व्याज तथा किस्ता तिर्न नसक्दा कालोसूचीमा पर्ने क्रम बढेको छ । आर्थिक मन्दी तथा ऋणीको कर्जा भुक्तानी गर्न सक्ने क्षमतामा ह्रास आउदा यस्तो अवस्था आएको हो । यहि कारणले गर्दा बैंक वित्तीय संस्थाको खराव कर्जा बढेको छ । खराव कर्जा बढेकै कारण धेरै वटा बैंकको लाभांशदर घटेको छ भने कतिपयले लाभांश नै दिन पाएनन् । यसले गर्दा बैंकहरु सतर्क हुनु पर्ने राष्ट्र बैंकले जनाएको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?