सवारी दुर्घटनामा परि ज्यान गुमाएका सुव्वाको परिवारलाई नेपाल लाइफले गर्यो मृत्यु दाबी भुक्तानी

काठमाडौं । नेपाल लाइफ इन्स्योरेन्स कम्पनीले याम्फुदिनमा सवारी दुर्घटनामा परि ज्यान गुमाएका निशान सुव्वाको परिवारलाई मृत्युदाबी भुक्तानी गरेको छ । पेशाले सवारीधनी तथा चालक रहेका निशान सुव्वाको गएको मंसिर १७ विहान ताप्लेजुङ्को सदरमुकाम फुङ्लिङबाट याम्फुदिनपुगेर फर्किने क्रममा सवारी दुर्घटना भएको थियो ।

यसरी यात्रुहरु लिएर फर्किने क्रममा भएको सवारी दुर्घटनामा उनको घटनास्थलमै मृत्यु भएको थियो । कम्पनीले पनि दुर्घटनाबाट भएको दाबीलाई द्रुत गतिमा आवस्यक प्रकृया अगाडी बढाइ समयमै दाबी भुक्तानी गरेको कम्पनीको ताप्लेजुङ शाखा प्रमुख हिमाल राईले जानकारी दिए ।

सुव्वाले नेपाल लाइफमा ५ वर्ष अगाडी जीवन बीमा पोलिसी खरिद गरेका थिए । विगत ५ वर्षदेखि लगातार बीमा शुल्क भुक्तानी गर्दै आएका सुव्वाको परिवारलाई कम्पनीले ८ लाख २८ हजार भन्दा धेरै रकम दाबी भुक्तानी गरेको हो ।

कम्पनीले आज ताप्लेजुङ उपशाखामा आयोजना भएको एक कार्यक्रम निशानको धर्मपत्नि सावित्रा काम्वाङलाई बीमाङ्क ३ लाख ५३ हजार सहित एडिबि र बोनस सहित ८ लाख २८ हजार रुपैया दाबी भुक्तानी गरेको हो । कार्यक्रममा शाखा प्रमुख राई, वरिष्ठ एजेन्सी म्यानेजर तथा एजेन्सी म्यानेजरको उपस्थित थियो ।  

दाबी भुक्तानीका क्रममा कम्पनीले ज्यान गुमाउने निशान सुव्वाको चिरशान्तिको कामना सहित परिवारजनमा धर्यधारणको कामना गरेको छ । कम्पनीले बीमितको परिवारलाई रकम हस्तान्तरण गरेको हो ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना